A-HOFTER!!! :-D

Ein rask oppdatering for å rapportere om dei gledesstrålande nyhetene fra NKK i dag! Halleluja! :) For 4 1/2 år sidan fekk eg eit liknande brev, med beskjed om Shiras D-hofter, og eg var oppløyst i tårer. Så derfor er det så ekstra deilig med dagens beskjed: At Victor har perfekte hofter!! Den beste julegåva eg kunne få! :) :) :) :) :)

Forresten har vi signert kontrakten med IEC-hus i dag, så no blir det husbygging til sommaren:)

Dommerkritikken fra jaktprøven 18. sept.

Arrangør og stad: NRK avd. Oslo og omegn, Bogstad, Oslo.
Dommar: Jan Foss.

Bedømte egenskaper
Søk: Bra søksarb. Holder seg i aktuelt omr. Finner raskt dummier.
Fart og utholdenhet: Høy fart i hele prøven.
Nese: Utmerket.
Dirigerbarhet: Går fint i anvist retning.
Markeringsevne: Markerer meget bra.
Skuddreaksjon: Oppmerksom i skudd.
Almen oppførsel: Oppfører seg rolig, får med seg alt som skjer.
Apporteringslyst: Stor.
Apportgrep: Fine grep og avleveringer.
Svømmesett og arb.vilje i vann: Går villig i vann. Utmerket svømmer.
Samarbeidsvilje: Bra.
Sammenfattende kritikk: Victor løser i dag alle oppg. på en utmerket måte i godt samarbeid med sin fører. Bra ført.

Premie: 1.
Og prøvens beste hund! (av 22) HURRA!! Fantastisk avslutning på ein fantastisk sesong! :D

Dommerkritikken fra forrige jaktprøve

Som sagt før, ting tar tid her i gården..! Her kjem kritikken fra prøven 28. august, NRK avd. Ringerike og omegn:
Dommer: Hans Petter Grongstad

Søk: Søker med stor intr. og høy intensitet, men med noe varierende kons. og effektivitet.
Fart og utholdenhet: Utmerket.
Nese: Ok.
Dirigerbarhet: Utmerket.
Markeringsevne: Oppmerksom og målbevisst, men går litt for stort på land.
Skuddreaksjon: Utmerket.
Almen oppførsel: Tiltalende.
Apporteringslyst: Utmerket.
Apportgrep: Fine grep ved avlevering
Svømmesett og arb.vilje i vann: Utmerket.
Samarb.vilje: Utmerket.
Sammenfattende kritikk: En meget lovende og tiltalende hund, med alle de egenskapene en retriever skal ha. Trenger å forbedre sitt søksarbeide før den kan få høyere premiering.

Vic har alltid vore god på feltsøk, men i det siste har han blitt litt overivrig og går litt for raskt, så ikkje ein gang hans "ekstremt anvendbare nose" kan hjelpe han. Gitt om vi skal trene masse nærsøk framover!.. Gler oss til neste prøve neste helg:)

Travle tider...

Det har skjedd og skjer så masse for tida at blogging blir nedprioritert. Får ta ei lita oppsumering:

Første helga i august var heile familien ein snartur til vestlandet for å ta ut eit skadedyr i Gjetingsdalen. Hjorten blei skoten, Melvin fekk prøve seg på ferske hjortespor og ellers nøyt vi ei deilig villsvinsteik!! Eg kan når eg vil! ;)

Andre helga i august var det utdrikkingslag for Marianne heile lørdagen - veldig kjekt! Og så var det jakt- og fiskedagane på Elverum søndagen. Melvin gjekk sitt første valpeshow og blei BIS!! :) Den dagen fekk vi gjort mykje. Då vi kom heim bar det ut i skogen for å plukke kantareller (fann masse!) og så fekk vi til og med tid til ei treningsøkt på vatn for Victor. Øve på å ikkje riste seg før avlevering... Shira fekk òg vere med og fekk svømt litt.

Helga etter det var eg og Bjørn i 30-års lag til Petter og på søndagen var det slektstreff!

Forrige helg ofra eg A-HA-konserten på Ullevål for å vere med som apportører på andejakt i Sverige, på Saxhyttan gård. Victors første andejakt, men han var kjempeflink! Tok skadeskutte ender utan problem - det var verre for ho mor som måtte avlive dei stakkars dyra... Var ikkje forberedt på den biten, men det er rart kva ein kan greie når ein må, og kva ein kan venje seg til (nesten litt skummelt!). Jakta tok på for Vic, både fysisk og mentalt. Søndagen jobba han med ein brøkdel av effekten han hadde lørdagen, men vi var fortsatt nøgde. Han apporterte ca 30 ender lørdagen og ca 10 søndagen. Ei spennande og innhaldsrik helg altså!!

Denne helga var det jaktprøve igjen, NRK avd. Ringerike og omegn sin, litt nord for Hønefoss. Eg var ekstra spent, hadde jo ein 1. premie frå før å forsvare, men det klarte vi dessverre ikkje. Blei ein 2. premie denne gangen. Vic som har vore så flink på feltsøk har blitt altfor høg. Han tar heilt av og raser rundt i ein fart som gjer det vanskeleg for han å plukke opp vitringa - her skal det trenes mykje nærsøk framover! Det eg var mest nøgd med var å sjå at den treninga vi har gjort på avlevering frå vatn i det siste har betalt seg! For første gang leverte han utan å riste seg - HURRA!!! Takk til Hans Andreas for god hjelp på klubbtreninga tidlegare i veka! Legger ut dommerkritikken seinare.

I dag har vi tatt det litt med ro, har regna på og av heile dagen. På kvelden fekk vi tatt ei treningsøkt der Vic for første gang skulle få apportere kanin! Hadde tatt fram ei and òg for sikkerhets skuld. Var jo ikkje sikkert han ville ta kaldt vilt no når han har fått smaken på det varme! Og visst var han skeptisk med det same - anda var jo hard og iskald! Men han tok det raskt. Enda meir skeptisk var han til kanina, men han lydde apport-kommandoen som ein prins, og syntes det var heilt ok å finne og hente iskald stiv kanin!

Ellers er vi opptatte med agility-kurs mandagar, kurs i vannarbeid onsdagar og jakttreningar med klubben torsdagar. Og neste helg er det NM!! Phuh...

Bilder fra kenneltreffet tidlegare i sommar

Takk til Anders for fine bilder


Halvparten av P-kullet + ei halvsøster til venstre. Fine!





Venting kan vere kjedeleg, men Vic finner seg som regel litt snacks:)

Slektstreff!

Tidlegare denne veka var eg og Victor ute på tur igjen. Denne gangen bar det til Sør-Sverige, på kenneltreff, hos Victors oppdrettere, Carmal's. Vi var veldig spente på å sjå att både kullsøsken og andre slektningar, og eg gledde meg til å visa fram Victor, kor fin og flink han er blitt! :) Hos Anders og Mirjam var det to høgløpske tisper, så det blei litt masse på Vic. Han blei stressa, gira og fjern - alt på ein gang! Var ikkje seg sjølv - han var ikkje interessert i mat ein gang!! Det er ille. Eg er ikkje vane med hannhundar - og Vic er ikkje vane med løpetisper, så dette er ei utfordring for oss...

Vi fekk ikkje vist oss frå vår aller beste side, men eg kan ikkje klage, det kunne absolutt vore verre. Det var kjempetriveleg på kenneltreffet, mange møtte. Først hadde vi frokost i lag, så trente vi gruppevis. Vi med unghundar trente på vannmarkering, gå ved fot med forstyrrelser og fremmadsending. Vic har ekstremt med motor - det gjeld bare å ha hovudet med seg!.. Vi hadde lunsj i lag før vi hadde ein mini working test. Eg og Vic kom på tredje plass i vår gruppe, og vann eit retriever-kobbel:) Av kullsøskena møtte søster Selma og dei gule brødrene, Harry og Poacher. Artig å sjå kor forskjellige dei var blitt, på utsida iallfall. I fjor var kullet veldig jamnt. Vic hadde meir pels enn dei andre, kanskje fordi han er vakse opp i kalde Norge? Harry var den største og Poacher mest lik pappa Lee i fargen. Fine, flinke hundar alle saman!! Håpar på å sjå resten av gjengen neste gang!

På kvelden grilla vi heime hos Anders og Mirjam, deilig villsvin! Eg var til og med så heldig å få med meg ei villsvin-steik heim! Den skal nytast med familien i morgen:) Neste dag hadde vi ei treningsøkt ved havet, greit å få litt tips til øvelser vi kan gjere. Skjønar at eg må trena med fleire forstyrrelser... Vic var i same sinnstilstand som dagen før, men igjen, eg kan jo ikkje klage - han er jo ingen vanskeleg hund, bare ung og hormonell!.. ;-p

Takk til Anders og Mirjam for fine og innhaldsrike dagar i Skåne! Heldige med veret var vi òg! :) Bilder kjem seinare.

Jaktkurs med Helen Philips!

Eg og Victor har vore på Canis Hundeskole sitt kurs for "gun dogs" v/Midtkiløras Fuglehundsenter i Trøndelag - metoden var klikkertrening sjølvsagt. Instruktøren, Helen Philips, var henta frå England: "Helen Philips jobber som profesjonell jakthundstrener med utgangspunkt i sitt egen oppdrett av Ungarske Viszlas og spaniels, samt som hundefører under jaktsessongen. Hun underviser dessuten ved Warwickshire College’s kurser i Canine Behaviour Education and Training" (fra www.canis.no). Hundane som var med på kurs var flest Setterar, i tillegg til Vic, ein Springer Spaniel og ein Vorsteher. Det har vore nokre kjekke og lærerike dagar på kurs!! Både hund og førar måtte ta seg minst ein siesta til dagen..! Her kjem ei oppsumering av kva vi var gjennom.

Lørdagen:
Grunnleggande dressur. Vi fokuserte på å få hunden til å slappa av i treningssituasjonen, slik at han blei meir mottageleg for læring. Teknikken vi brukte var å gå i ring med hunden og visa eit avslappa kroppsspråk sjølve. Hunden kunne få snuse og kikke seg rundt, men ikkje slik at vi enda opp med å følge hunden, hunden skulle følge oss. Vi starta ikkje å "betale for" (belønne) atferd før hunden begynte å slappa av. Vi lærte òg ein pauseteknikk. Det er viktig at hundane får mange pausar under treninga, at han lærer seg å slappa av då. Helen kalte dette for 'parkering', og det består rett og slett av at vi går til sides og står på bandet til hunden - det enkle er ofte det beste! Hunden får betalt for tegn som visar at han er i ferd med å slappe av, alt etter nivået på hunden. Først kan det vere for å ha alle fire beina i bakken, så for å ikkje pipe, så for å roe pusten, så for å sitte, osv. Det tok lang tid for dei fleste av oss å få hundane til å lære seg å slappe av dei første gangene, men litt etter litt gjekk det kortare og kortare tid før hunden klarte å slappe av og fokusere på fører. Avslappingsøvelsen m/å gå i ring er eit godt utgangspunkt for alle treningsøkter! Når hunden har lært seg rutinen er det ein effektiv måte å få den i treningsmodus på! Ein oppkava hund vil sjølvsagt ikkje ta til seg læring på same måten som ein roleg og fokusert hund, så det er vel verdt å ta dei minuttane det tar før ein set i gang med treninga. Denne dagen trente vi òg på kontakt og raske sitter. Eg begynte å lære Victor sitt på fløytesignal.

Søndagen:
Igjen grunnleggande dressur, med fokus på raske sitter, som er ein viktig ferdighet for ein fuglehund. Eg trente både med stemme og fløyte. Prøvde å auke avstanden frå meg, men det var verre... Fekk råd om å kaste godbiten over hodet på Vic og bruke handsignal i tillegg, men det har jo vi trent stå på, så han sto jo så klart! Hmm... Eg gjekk muligens litt raskt fram. Dette er iallfall noko vi skal trene masse på framover! Vi trente òg innkalling, noko Vic mestrar svært bra! Eg er glad eg har ein Labrador og ikkje ein Setter - gurimalla kor dei dyra springer! Ser kor Shira har det frå... Til slutt trente vi sitt under oppflyging av duer. Mens dei andre hundane blei heilt ville av synet av due i oppflukt verka det som om Vic var heilt i sjokktilstand - han verka nesten redd dei første gangane Anna-Karin slapp duene! Er kanskje ikkje så rart, det er første gang han har opplevd noko sånt... Han var heilt roleg, men eg hadde ingen som helst kontakt med han, så sitten kunne eg bare gløyma. Det blei rett og slett trening på due-eksponering! Vic fekk koma heilt fram til Anna-Karin som haldt duene. Etter kvart verka han tryggare og han behaldt roen.
På kvelden var det foredrag om hundemassasje, og Vic fekk sjølvsagt nyta godt av det etterpå. Han elsker å få massasje! :)

Mandagen:
Apportering stod på planen. Mange av dei andre måtte starte på nytt, med å shape inn det å holde apporten. Vi fekk godkjendt vår apport, og fekk trene på fremmadsending og dirigering. Her hadde Helen mange råd til meg. Brukte øvelsane "tre på rad" og "klokka", i tillegg til sidedirigering vha target (kjegler). Nyttig for oss! Vi fekk òg ei innføring i korleis vi kunne trene inn nærsøk, vi starta med å sende hunden ut på jakt etter godbitar og la på fløytesignalet 1-2-3 når hunde søkte i rett område. Etter lunsj var det vannarbeid. Vi trente på ro ved vatnet, gå fri ved fot ved vatnet, svømmekommando (Helen meiner hunden må ha ein svømmekommando for dei tilfella der han ikkje ser det som har havna i vatnet) og apportering av kaldt vilt, ei and eg hadde med meg. I tillegg trente vi på å ikkje riste seg før avleveringa, og sjølve avleveringa. Alle desse momentene trente vi kvar for seg, det er viktig! Vi er ikkje stødige nok til å kunne kjede saman alt enno.

Tirsdagen:
Vi reiste til Stokkmarka Fuglehundsenter utenfor Trondheim der vi fekk prøve hundane på rapphøns. Fuglane blei satt ut på jordet ein om gangen, først på eit jorde med nedklipt gras, og så på eit jorde med høgt gras. For Setterane gjaldt det å finne fuglen, ta stand, få signal om å reise fuglen for så å halde seg i ro i oppflukt - ei ganske krevande atferdsrekke. For Vic og spanielen som ikkje tar stand var det bare om og gjere å finne fuglen og støte den opp for så å kunne halde seg i ro etterpå. Eg var veldig spent på Vic sidan vi aldri har trent på noko slikt før, men han tok det med ein gang! Han var den av hundane med best nase, som fann fuglen raskast, og han var roleg etter oppflukt, sto bare og såg etter fuglen. Hadde ikkje nok fokus til at eg kunne be han sitte, men det var greit i ein så ny situasjon, han jaga iallfall ikkje etter fuglen slik mange av dei andre hadde lyst til! Vic var den einaste som kunne gå fri, utan sele - *stolt mor*. Eine gangen på kortgraset hoppa han opp og fanga fuglen i oppflukt, då blei både hund og førar like forskrekka! Fuglen flaksa og Vic slapp taket, og fuglen fløy avgårde like heil - det gjorde ingenting, sa Helen! Vi hadde to forsøk i langgraset. Første gangen sprang han etter fuglen eit lite stykke, men snudde tvert på mi fløyteinnkalling! Det var bra jobba! Ved andre forsøket fann han atter ein gang fuglen fort, men denne fuglen var litt treig og blei liggende og trykke, så då tok Vic saken i eigne hender - eller munn: Han plukka opp fuglen og sprang stolt og fornøyd heim til mor med den!! Plutseleg satt eg med ei lys levande rapphøns i henda mine! Eg blei så øvegidd og skulle belønne Vic samtidig som eg måtte sjekke at fuglen var like heil, så det enda med at eg mista fuglen og den fløy heim (tilsynelatande i fin form)! Då sprang Vic etter, men igjen fekke eg stoppa og snudd han vha fløyteinnkalling:) No har vi iallfall fått bevist at Vic er mjuk i munnen sin! HAHAHA! For ein opplevelse!! Vic har introdusert ei ny miljøvennlig, stille og effektiv jaktform! :)

Tusen takk til Helen Philips, Anna-Karin Lundmark v/Canis hundeskole, Midtkiløras Fuglehundsenter og Stokkmarka Fuglehundsenter for nokre fantastiske kursdagar!! Og ikkje minst takk for laget til svært så hyggelege medelevar! :)

For ei helg vi har hatt!

Endeleg tid til å blogge litt om helgas hendelser.

Vi reiste heile familien til Ål i Hallingdal i helga der eg og Victor skulle delta på NLM. Elleve lag stilte, og takka vere Victors formidable innsats kom vi til finalen søndagen! Victor redda dagen med alle poenga han klarte å sanke inn på dei seks postane. Resultat: 18, 20, 19, 20, 20 og 22! Siste post var feltsøk, med 25 dummyer lagt ut. Dummyane var merka med poeng frå 1-5 og vi fekk ti min. på å hente inn flest mulig. Fantastisk gøy å sjå fire hannbikkjer jobba sjølvstendig med søk samtidig i same felt! :) Vic fekk inn seks dummyer, med til samen 22 poeng - tre 5'ere! :D Ein artig øvelse! Totalt sett fekk Vic tredje beste poengsum av alle hundane!

På kvelden fekk vi vite lagscorene, øvelse for øvelse - det var kjempespennande å sjå kven som kom med til finalen! Vi kom med, så det var sjølvsagt veldig kjekt! Enda kjekkare var det at to unghundar som hadde gjort det særdeles bra i løpet av dagen blei løfta fram - ein av dei var Vic! Dommarane hadde lagt merke til han og han hadde imponert, så det var stas! Vi fekk dermed invitasjon til å vere med på jakt v/jakthytta (Saxhytte gård) til den svenske dommaren Pelle Agorelius! Han er interessert i å følge lovande unghundar vidare og å knytte til seg hundeførarar til jakt. Fantastisk moro!!

Søndagen gjekk ikkje fullt så bra for laget vårt, så det blei ingen seier, men det var både kjekt å lærerikt å få vere med. Ein stor takk til mine gode lagspelarar Rita, Siri og Hans Andreas for at eg fekk vere med!! I tillegg vil eg benytta anledningen til å takka oppdrettarane mine, Mirjam Axner og Anders Carlsson, v/Carmals Gundogs, for verdas beste hund! :D

Det neste for oss no blir jaktprøve siste helga i august og så individuelt mesterskap første helga i september, det blir kjekt!

Vi skal til Norsk Lagmesterskap i retrieverarbeid!

Det er ikkje bare eg som synes Victor er ein usedvanlig god hund! Han har blitt lagt merke til, og no er vi blitt invitert med på eine laget som Oslo-avdelinga skal stille med til NLM 9. juli. Det skal vere ein unghund (under to år) eller upremiert hund med på kvart lag (blant fire hunder), så då fekk vi muligheten - kjempekjekt og stor stas! :)

Vi gler oss!!!

Det går opp og ned her i livet...

I eine augneblinken er vi i lykkerus over den fantastiske flinke hunden vår, for så å bli ganske frustrert...

Victor er ein gardshund, han går laus her heime til tross for bandtvangen... Dei einaste gangene han har stukke av er når Shira har dratt han med seg på sine eventyr (ho går ikkje laus). Eg har ferie denne veka, er heime og passar Melvin. I går starta eg prosjekt "vaske veranda", noko som haldt meg opptatt nokon timar, mens hundane var så heldige og fekk sole seg. Då eg skulle gå i dusjen slo det meg at det var ei stund sidan eg hadde sett Vic, men eg tenkte at han sikkert var på ein liten tur (som han gjerne tar, men kjem alltid raskt tilbake). Eg ropte litt på han utan resultat før eg gjekk inn for å gjere meg klar til dagens jaktcup post 4 v/retrieverklubben.

Gitt om eg byrja å bli rimeleg stressa - eg skulle på jaktcup, men hunden min var borte! Eg gjekk litt rundt og fløyta på han, før eg måtte hive meg i bilen med håp om at eg ville finne han på vegen - då kom telefonen: "Savner du ei bikkje?" JA! Det var eit bergingsfirma i Lillestrøm som hadde fått inn Victor!! Han var levert av ei dame som hadde gått tur i skauen her oppe, han hadde visst gått i lag med ho ei stund. Vic pleier å gå naken her heime, så han hadde ikkje på seg halsbåndet med tlf.nr'et mitt på, ellers kunne eg ha sluppe billigare frå det - 250 kr. måtte eg betale for å få lauslatt rømlingen. Først var eg irritert over det heile, at turgåaren hadde tatt med seg Vic frå skogen her oppe og at eg måtte betale for det. Etter at eg hadde fått roa meg var eg bare så takknemlig og glad for at eg fekk tilbake go'guten min! Det kunne jo gått så mykje verre! Han er jo så snill og sosial, eit lett bytte... Viss eg hadde mista ein av hundane mine veit eg ikkje kva eg ville gjort - dei er alt for meg! Så i natt sov Victor inntil meg i senga, han har fått på seg halsbandet med tlf.nr. på og i dag har eg verkeleg passa på han!

Og jaktcup'en?! Der nulla vi! Vic var fjern og eg hadde misforstått oppgåva, så vi hadde rett og slett ikkje trent på øvelsen - sånn kan det gå... Det viktigaste er likevel at prinsen min er der han skal vere - hos meg:)

Her er eit bilde av heile familien samla slik vi skal vere:

Vi gjorde det igjen!! :D

I går debuterte eg og Victor på vår første offisielle jaktprøve, og det gjekk fantastisk bra!! Vi fekk 1. premie av den svenske dommaren Per Erik Forslund - utruleg kjekt! Prøven var i regi av Norsk Retrieverklubb avd. Gjøvik/Lillehammer, og det var eit bra arrangement. Mykje venting, men det vil det jo alltid vere på slike prøver. Vi var heldige med været, det regna heilt til vi kom fram til prøveområdet, deretter var det sol og ikkje for varmt - perfekt! Mange trivelege folk og hundar gjorde dagen fin!

Eg skal scanne inn dommerkritikken og publisere den, men inntil videre kan eg sei at vi fekk mykje skryt av dommaren:) Han Victors store iver og jaktlyst og fantastiske nase, ein veldig bra hund, med bare små ungdommelige skjønnhetsfeil. Victor var rimeleg heit under prøven, og litt vanskelig å kontrollere under fri ved fot, men det gjekk likevel greit. Første øvelse var ein enkel markering (alle med skudd), som gjekk knirkefritt. Så var det et lite feltsøk med to dummyer i same området, det gjekk òg bra. Etter det var det ein fremmadsending. Her sprang Vic ut skeivt, men det gjorde ingenting, for nasa hans hjalp han rett til dummyen likevel!:) Etter dette var det eit større feltsøk med tre dummyer, her gjorde Vic det heilt supert, og dommeren bare smilte:) Så var det å gå ned til vatnet der det var to enkle markeringer. Vic markerte bra, men måtte sjølvsagt riste seg på veg opp til meg begge gangene. Dette har vi jo ikkje fått trent noko særleg på og det viktigaste var at han ikkje slapp eller knakk dummyen! Vi avslutta med to enkle markeringer i skogen - ein motiverande avslutning for både hund og fører! :)

Mykje venting på jaktprøver - neste gang skal eg ha med bok!


Victor sliten etter innsatsen sin


Her har vi fått dommerkritikken - nøgd og stolt mor! :)

For ein debut!

Mandag starta eg og Victor på vår første Working Test. Den var i regi av Oslo-avdelinga til Retrieverklubben og fann stad i Asker. Vi fekk 85 (av 100) poeng!! Superfornøyd!!! Det var heile 60 påmeldte i begynnerklassen, og mange erfarne hundar. Vi kom på ein 11. plass, og Victor var desidert yngste hunden av alle i toppen, så det viser at han er god! Gøy at det var utelukkande jaktlabradorer på pallen òg, når det var ein overvekt av Flat'er som stilte... Ein bra debut altså!

Han var litt høg under heile testen, men klarte å samle seg når det gjaldt. Første post var vann-markering med skudd, dvs. dummyen blei kasta i sivet, så det viste seg å bli ein vanskeleg øvelse for dei aller fleste. Han gjekk ikkje rett på den, blei forstyrra av sivet som var heilt nytt for han, måtte leite litt, men gav seg ikkje, og fann den rimeleg kjapt, og kom rett inn til mor!:) Måtte sjølvsagt riste seg litt (vi har ikkje trent så mykje på vatn), men han slapp iallfall ikkje dummyen. Her fekk vi bare 10 poeng, synes dommeren var litt streng her...

Neste post var ein enkel markering med skudd. Den gjekk strålande! 19 poeng! 1 poent trekk for eit litt laust grep om dummyen, dommeren sa at det var typisk unghund. Ellers syntes han det var nydeleg å sjå på! :D

Post tre var markering med minne (og skudd sjølvsagt), på ei myr. Her skulle vi gå litt fri ved fot og Vic var så heit at han havna foran meg og eg måtte korrigere han på plass, noko vi mista eit poeng for. Ellers gjekk øvelsen smertefritt: 19 poeng!

Post fire var ein liten walk-up og enkel markering med lang avstand (også her skudd). Så lang avstand at Vic ikkje gjekk rett ut, noko vi tapte 1 poeng på, men vi fekk likevel 19 poeng! :)

Siste post var ein enkel markering igjen (skudd på alle poster). No var Vic byrja å bli sliten, det er mykje venting mellom postane på ein Working Test... Han slurva dermed med avleveringa, slapp dummyen foran meg, og vi mista 2 poeng, men må seie oss nøgde med 18 poeng her.

Vi var heldige med veret, med solskinn utan at det var for varmt - veldig kjekt var det, og eit bra organisert arrangement! :)

I morgen starter vi på vår første offisielle jaktprøve. Om Vic går like bra som han gjorde på treninga i går, ligger vi godt an, for i går var han fantastisk!! Makan til hund eg har! :D

Venting på post...

Dette er Melvin!

Eller Vijaga Michelangelo, som det står i papirene hans. Han er ein Basset Artesien Normand, og siste tilskuddet i flokken vår. Melvin blir Bjørn sin jakthund, hovedsakleg til bruk på rådyr og hjort.

Den ca fem timar lange kjøreturen heim frå Sverige i går gjekk greit. Melvin var sjølvsagt uroleg og peip i starten, men så skjønte han at han var trygg, og då sov han stort sett resten av turen. Bjørn la seg til på feltseng ved sida av Melvin i stova i natt, og det var ingen problemer, Melvin sov heilt til kl. 08.30 i dag!! Ellers ser han ut til å vere ein tøffing, unntatt når det gjeld å gå ut i regnet... Han steler det meste, tygger på alt og herjer allereie med Victor og Shira. Ser ut til at Victor synes det er spennande med ein ny liten leikekamerat. Han markerte til og med at Melvin er hans i går! Først tissa han på Melvin, så rulla han seg på han!! Makan! Det gjekk fint med Melvin altså, det var mjukt underlag, så han lot seg ikkje affisere, men vi må halde eit auge med Victor, som er ein hest i forhold til vetle Melvin. Victor tar seg no godt av sin nye vetlebror, leikar med han, underholder han og oppdrar han. Shira har gitt Melvin valpelisens, og er kjempetålmodig med han, til tross for at han klatrer på ho, biter ho i halen og jokker på ho!.. Nei, Melvin trur eg blir ein tøffing!

Vic har bestått kvalifiseringsprøven!! :)

Den er ikkje vanskeleg, og det var "piece og cake" for Victor, men det er uansett godt å ha det overstått. For den som er interessert i kva prøven går ut på, sjekk ut heimesida til retrieverklubben. No kan vi planlegge å starte på jaktprøver... Spørsmålet er om vi er klare for det?? Hmm, det er jo ikkje mange jaktprøvar i dette landet, så det er fristande å hive seg uti det og starte på dei som er... Gruble, gruble! Det er påmeldingsfrist for ein prøve i morgen, så eg må bestemme meg i dag for om vi skal prøve oss allereie om fire veker! Har jo allereie meldt oss på working test då, men det er jo uoffisielt, så det er jo ikkje så "farleg"...

Menneskets beste venn

Nokon av dei eigenskapane ved hunden eg set aller høgast er den hengivenheten og fantastiske lojaliteten dei viser overfor oss tobeinte. Hundar er kloke og følsomme dyr som eg trur i mange tilfeller forstår oss bedre enn vi forstår dei, og det båndet som er mellom hund og eigar er så sterkt at dei som aldri har hatt hund sjølv ikkje kan forstå det. For ei stund sidan såg eg ein film som skildrar dette båndet og den lojaliteten hunden har for eigaren på ein svært rørande måte. Anbefaler alle å sjå filmen om Hachi med Richard Gere i hovedrolla! Filmen er basert på ei sann historie, om professoren som fann ein Akita hundevalp på togstasjonen, beholdt hunden og utvikla eit nært vennskap med den. Professoren tok toget til og fra jobb, og kvar morgen fulgte hunden han til toget, og kvar ettermiddag kom han til same tid og møtte han igjen. Eg kan ikkje sei så mykje meir om handlinga for då avslører eg fort litt mykje. For hundefolk må eg koma med ein advarsel: Du kommer garantert til å grine - masse! Kan ikkje huske sist eg grein så mykje i ein film... Men det er ein fin film, og den minner oss om kvifor hunden er vår beste venn.

Hundar i Thailand

Då vi var i Thailand nyleg, i Phuket og Ao Nang, fekk vi sjå ein del laushundar. Det som slo meg var at dei gjerne haldt seg for seg sjølve, på sine faste områder - eg som trudde hundar var flokkdyr?! Og dei var veldig rolege (pga varmen muligens?) og fredlege, det var aldri noko bråk som vi kunne sjå, verken hundane imellom eller mellom hund og menneske. Dessutan var hundane flinke til å passe seg for trafikken. Dei gjekk langs svært trafikerte vegar, men det såg ut til at dei visste å passe seg for bilane og ikkje minst scooterane (som det kryr av der nede!). Eg prøvde ved eit par anledningar å tilby vatn til dei firbeinte, dei såg så varme ut (mange hadde faktisk masse pels!), men dei viste ikkje særleg interesse for det, så dei ordnar seg tydelegvis, med både vatn og mat - og varmen er dei sjølvsagt mykje meir vant til enn meg!.. Sjølvsagt såg dei ikkje akkurat kjernesunne ut, mange var tynne og skabbete, og det gjorde meg vondt å sjå. Måtte bare kjøpe ein kylling-middag med ris til nokre av dei, håpar dei satte pris på det:) Eg må få med at det var ikkje alle gatehundane som var heilt aleine, fleire hadde eigarar, men fekk sin frihet og valgte gjerne likevel å halde seg nær matmor/matfar. Av alle hundane vi såg var det berre ein som var i band, han var "not so friendly" fekk vi beskjed om, så då er jo det greit. Tenk om hundane våre kunne ha vandra fritt i gatene her i Norge, kordan ville det vore?? Eg trur hundane våre ville blitt meir sosiale og hatt eit meir avslappa forhold til kvarandre då. Eit anna spørsmål er trafikken, trur ikkje eg ville tatt sjansen på at mine firbeinte passa seg for trafikken på eige ansvar - eg er for hønemor til det...

Nedanfor er nokre bilder av div. laushundar i Thailand:

Så har vi hatt vannhale òg!

For litt sidan fekk stakars Victoren halelammelse, også kalt vannhale. Den hang bare rett ned ein dag - og det er ille for ein labrador!! Var tydeleg at det var ubehageleg, så han fekk smake litt på Rimadylen til Shira. Heldigvis hadde eg nyleg vore på foredrag med veterinær i regi av retrieverklubben, så eg visste kva det var, ellers ville eg blitt alvorleg bekymra! Vanskeleg å sei kva det kom av, men trur det blei litt mykje på han gjennom helga, med messevandring heile lørdagen (då var han sliten!) og skitur søndagen, der han fekk prøve å trekke litt i lag med Shira. Mandagen hang så halen, men i løpet av 4-5 dagar kom den opp att og logra som aldri før heldigvis!:) Er visst ganske vanleg lidelse, alle retrievereigarane eg spurte hadde hatt dette på sine hundar.

Dårlig bilde, tatt med mobil, men ein kan tydeleg sjå at halen heng rett ned og at Vic ser litt bedrøva ut... Ellers heng halen aldri ned, og den er aldri i ro!;)

Prince Victor 1 år 5. mars! :D

Betre seint enn aldri... Etter at vi kom heim frå Thailand forrige søndag har eg ikkje hatt tid til å blogge eller legge inn bilder på dataen i det heile, så her kjem ei forsinka bursdagshelsing til vår go'gutt Victor som nyleg fylte år. Som dåke kan sjå av bildene er han ein skikkeleg fin gutt!! :)




Forrige søndag deltok vi på post 3 i hønsecupen, og fekk 18 av 20 poeng - HURRA!!

Hønsecup post 2

Gratulera med morsdag og Valentine's Day!

I dag var det tid for andre post av hønsecup'en, og vi stillte opp med godt mot i eit flott vinterver. Bjørn og Ann (mor hans) var heiagjeng. Posten var innkalling frå sitt, med ein annan hund som forstyrring. Ingen problem det, for Vic, men dommaren ville ha han inn i på plass, og då blei det straks verre - for det har vi aldri trent på!.. Jaja, fekk 15 av 20 poeng: En overbevisende prestasjon. Oppgaven løses sikkert, men med mindre feil. Er no uansett kjekt og sosialt å vere med! Etterpå drog vi heim til foreldra til Bjørn og fekk varm sjokolade og fastelavensbollar, NAM!:)

Søndagstur i nydeleg vinterver!

I dag fekk eg og Vic med oss Bjørn og Shira ut på vår faste søndagstur med Jack, så det var veldig koseleg! :) Fantastisk ver, kaldt, men med strålande solskinn! Bikkjene fekk kappspringa med Jack, det gjekk så snøen spruta, og vi var vel alle like raske;) Shira var skikkeleg sliten etterpå, mens Vic er ustoppeleg. Flott tur, men dessverre klarte vi å mista reflekskobbelet til Vic som matchar halsbåndet og selen hans. Gjekk akkurat same vegen tilbake som vi kom, men såg ikkje kobbelet, så det er nok ein heldig hund som har fått seg nytt fint kobbel i dag... (Var mange folk ute på tur i dag) :-/


Shira, Jack, meg og Victor (bilde tatt av Bjørn og hans htc-mobil)

No nærmar det seg ett-års dagen for Victor, han var 11 mnd. i forgårs. Sjekk ut bilder av Victors fine gule brødre på Carmals blogg - dei er jammen blitt store karar dei òg. Artig for meg å sjå dei igjen for første gang sidan dei var 6 og 8 veker gamle - spesielt sidan det var ein av dei to eg eigentleg hadde mest lyst på (hysj, ikkje sei noko til Vic!). Kunne sjølvsagt aldri i livet tenkt meg å bytta i dag, og er bombesikker på at eg fekk den aller beste valpen! ;) Ellers kan ein sjå ein av Victors svarte brødre på Isalina Pepz blogg - dei er ganske like!

Stille på bloggen, men ikkje i det virkelige liv!

Eg er dårlig på å oppdatera bloggen, men livet er travelt, og eg prioriterer den verkelege verda over cyberspace;)

Vi har endeleg kome inn i ein slags rutine med aktivitetar og trening, men målet er jo sjølvsagt å få trent enda meir! Så no ser veka vår som regel ca sånn ut:
Mandag - Fritrening av hundane, terping av grunnferdigheter no på vinteren.
Tirsdag - Eg er i stallen, rir Jack, hundane har fri.
Onsdag - Lydighetstrening med retrieverklubben, vi er så heldige og får vere innandørs!
Torsdag - Hundane har svømmetrening v/Holt Hestesenter, beste dagen i veka ifølge Shira! Vic får nokre dummykast i vatnet.
Fredag - Fritrening av hundane, må innrømme at det ofte blir ein fridag....
Lørdag - Tur/fritrening
Søndag - Lengre tur med Jack (hesten) og Victor, dei har blitt skikkeleg kompisar! Dei spring om kapp, og Victor vinn!:) Skal prøve å få tatt litt bilder...

Victor har lært seg triks: No kan han sitte bamse, noko han lærte seg kjapt. I tillegg kan han gje labb, kanskje ikkje så imponerande, men vi har jo ikkje trent på sånt tidlegare. Utgangsposisjon har han akkurat lært seg, og mor blei litt stolt når vi fekk spørsmål om korleis vi får til så rette sitter!:) Noko i treninga vår gjer vi tydelegvis rett.

Fokus framover: Trene
- Gå på plass med kontakt (lp), med og utan koppel
- Hald fast (apport)
- Dekk og bli (fellesdekk)

Ellers har eg og Bjørn bestillt tur til Thailand!! Så om nokon vil låne hund i to veker, sei ifrå!

Ein liten collage av 2009-bilder