Vi har fortsatt ikkje kome i gang med jobbinga, her nede er det skuleferie denne veka, og i morgon er det ”National Holiday”. Vi fekk no likevel besøkt universitetet i dag (University of KwaZulu-Natal), og skal tilbake torsdag for å jobba litt. Campusen der psykologi-avdelinga ligg, Howard Campus, er ikkje så veldig stor. Det er veldig fint der; frodig, med masse planter. Vi fekk møtt fleire av dei som jobbar på avdelinga ”vår”, veldig trivelige folk, og vi blei godt imottatt. Eit par av damene der er 60 år, og i den alderen tvingar Universitetet dei til å pensjonera seg! Visstnok for å sleppa yngre krefter til (har nok ein samanheng med at arbeidsledigheita i S-A er oppi 30%...) Heilt omvendt i forhold til Norge altså – og ganske trist spør du meg. Desse damene vi møtte er fantastisk flotte og spreke damer med mykje kunnskap og lang erfaring – Universitetet gjev dermed slepp på store ressursar!!
Ellers fekk vi høyra ei historie av to MA-studentar som på veg til campus i dag nesten hadde blitt robba! To unggutar i 15-16 års alderen hadde først spurt studentane om vegen til ein jente-skule, så om kva klokka var, og til slutt bedt studentane om å gje dei mobil-telefonane, ellers skulle dei drepe dei!.. Gutane hadde ingenting på seg, og var visst ikkje særleg truande, så studentane tok dei ikkje alvorleg – før eine guten stakk handa i lomma til eine studenten for å få tak i mobilen! I staden for å gje gutane det dei ville ha (det vi får anbefalt å gjera om nokon prøver å rana oss) eller leggja på sprang, satte den mannlege studenten i å skrika og hyla alt han orka(!), og då forsvann gutane kjapt, i rein forskrekkelse.. Så då veit vi kva vi skal gjera om vi kjem oppi ein liknande situasjon – så lenge ingen held eit våpen mot oss... Heldigvis er Ballito, der vi bur, rekna for å vera ein særs trygg stad, der vi til og med kan gå gatelangs om kvelden! Forøvrig får vi reaksjonar frå alle på det at vi bur i Ballito, men jobbar/studerar i Durban! Folk synes det er ein forferdeleg stor avstand – og då brukar vi 40 min. i bil! Så det at folk reagerer på det synes VI er rart igjen; vi er jo vant med å forholda oss til store avstandar og å bruka litt tid på å reise mellom heim og jobb – noko innbyggjarane i Durban ikkje er, til tross for at det er ein diger by. Rare greier... Mistenkjer òg at folk reagerer fordi Ballito er eit veldig fint område, med dyre hus, der dei rike pleier å feriera...
Då vi kom heim frå Durban fekk eg lagt meg ved bassenget og sola meg ei lita stund – deiligt! Vi har fått vita at første helga vår her har vore den kaldaste helga i KwaZulu-Natal i heile år!! Typisk min flaks... I tillegg har desse dagane vore dei mest politisk intense dagane på lang tid, med President Mbeki som måtte gå, og at landet no plutseleg sto utan President! Historiske dagar vi får oppleva her i Sør-Afrika no altså.
Eg har forresten byrja å trena igjen!! Hurra for meg! Vi meldte oss inn i den lokale ”Gym’en” i går, og starta same kvelden. Kjenner det i kroppen i dag...
I kveld skal vi ut og eta og ut på byen etterpå – blir nok litt liv sidan det er offentleg fridag i morgon.
Ein blogg om hundegalskap, hundetrening og eit heila hundeliv!
tirsdag 23. september 2008
søndag 21. september 2008
I Sør-Afrika!
No har vi fått installert oss i leilegheita i Ballito, og eg skal prøva å få blogga litt om opphaldet vårt her nede framover. Har ikkje fast internet-tilgang, så det vil begrensa seg litt.. Og det blir lite om hund dei to neste månadane! Men Shira har det kjempefint heime på Skogen ilag med Bjørn og Syver. Ho spring fritt rundt på garden og har det betre enn nokon sinne! Trur ikkje ho savnar meg... :-s
Fly-turen ned hit tok nesten eit heilt døgn, men det gjekk smertefritt, og eg kan anbefala å fly med British Airways på det varmaste! Vi fekk full oppvarting og alt vi trengte heile vegen.
Leie-bil frå AVIS, ein snerten kvit VW Polo Classic, og Anettes erfaring med å kjøra på venstre sida av vegen brakte oss trygt fram!:) I Sør-Afrika er det mykje finare vegar enn heime i verdas rikaste land, med fartsgrenser opp i 120..! Leilegheita er stor og fin, fullt møblert, med altan og greier. Ligg i eit fint område, inngjerda med døgnbemanna vakt. Forøvrig klarte vi å punktera eit fram-dekk i dag..! Heldigvis blei det flatt midt på lyse dagen, og vi fekk raskt assistanse av ein passerande snill innbyggjar. (Vi hadde jo sjølvsagt klart å skifta hjul sjølve, men er jo kjekt med litt hjelp òg!)
Vi var litt uheldige med veret dei første dagane, med regn og sterk vind, og ganske så kaldt – her er det vår no! Vi har no fått besøkt det enorme kjøpesenteret Gateway og sett litt av området. I dag var vi i Crocodile Creek og fekk sett MASSE krokodillar, + haldt ein 2 år gamal nil-krokodille!! Etterpå gjekk vi på restaurant og ÅT ein.... (Ein smule makabert kanskje...) Smakte godt, men var litt rart å ete kjøt av ei svær øgle/dinosaur-sak..! Kvitt, fast kjøt, på ein måte ein slags blanding av fisk og kylling.... Forøvrig et og drikk vi godt her, for her er det skikkeleg billeg!! :-D
Fly-turen ned hit tok nesten eit heilt døgn, men det gjekk smertefritt, og eg kan anbefala å fly med British Airways på det varmaste! Vi fekk full oppvarting og alt vi trengte heile vegen.
Leie-bil frå AVIS, ein snerten kvit VW Polo Classic, og Anettes erfaring med å kjøra på venstre sida av vegen brakte oss trygt fram!:) I Sør-Afrika er det mykje finare vegar enn heime i verdas rikaste land, med fartsgrenser opp i 120..! Leilegheita er stor og fin, fullt møblert, med altan og greier. Ligg i eit fint område, inngjerda med døgnbemanna vakt. Forøvrig klarte vi å punktera eit fram-dekk i dag..! Heldigvis blei det flatt midt på lyse dagen, og vi fekk raskt assistanse av ein passerande snill innbyggjar. (Vi hadde jo sjølvsagt klart å skifta hjul sjølve, men er jo kjekt med litt hjelp òg!)
Vi var litt uheldige med veret dei første dagane, med regn og sterk vind, og ganske så kaldt – her er det vår no! Vi har no fått besøkt det enorme kjøpesenteret Gateway og sett litt av området. I dag var vi i Crocodile Creek og fekk sett MASSE krokodillar, + haldt ein 2 år gamal nil-krokodille!! Etterpå gjekk vi på restaurant og ÅT ein.... (Ein smule makabert kanskje...) Smakte godt, men var litt rart å ete kjøt av ei svær øgle/dinosaur-sak..! Kvitt, fast kjøt, på ein måte ein slags blanding av fisk og kylling.... Forøvrig et og drikk vi godt her, for her er det skikkeleg billeg!! :-D
mandag 8. september 2008
Begivenhetsrik helg!
Det har vore ei særdeles travel helg på hundefronten - og ikkje minst ei veldig kjekk helg! :)
Lørdagen var det agility-stevne på Brekke, Maridalen, i regi av klubben vår, så då var eg medhjelpar der. Sto opp 0615(!), brygga kaffe til kiosken og var på plass kl. 0730. Frå då av gjekk det slag i slag med bane-bygging, eigne startar og rydding til slutt. Vi jobba i nesten 12 timar! Men det var kjekt, sosialt og det styrka tilhørighetsfølelsen til klubben. Første løpet vårt i hopp gjekk kjempebra!:D Eg hadde vore så nervøs på førehand, og nesten ikkje sove natta før, men Shira skuffa ikkje. Litt kranglete (mot andre hundar) var ho, men det gjekk bedre utover dagen. Og min største skrekk; at ho skulle storme ut av ringen og lemleste nokon stakarsar på sidelinja, det skjedde sjølvsagt og heldigvis ikkje. Ho hadde full fokus på meg, og vi kom gjennom banen med 1 feil og 1 vegring, innan standardtida - HURRA! Dvs. 2. premie, så eg er strålande nøgd!! Dessverre var det så mange påmeldte, og mange som gjorde det bra, at vi fekk ingen premie for det, men vi er like glade.
AG-løpet gjekk ikkje fullt så bra, der diska vi fordi Shira var heilt fjern på det tidspunktet. Vi fekk då likevel fullført, med fine felt!:)
Til slutt var det open hopp-klasse, ein kjapp og tett bane. Der gjorde vi eit bra løp, heilt til slutten der Shira gjekk i ei felle og tok feil hinder. Eg skulle vore meir obs på fella og dratt ho meir mot rette hinder, men, men... Fortsatt fornøyde vi - var jo kjekt likevel!!
Gitt om vi var slitne etter den dagen!!
Søndagen måtte vi òg opp tidleg, og kjørte til Drøbak. Då var Bjørn og Syver med for støtte, så det var ekstra hyggelig. Første løp var ein ganske vanskeleg hopp-bane, m/ alle hinder på max høgde (svenske dommarar er tøffe!). Vi gjorde likevel eit godt løp, men blei diska fordi eg hadde gløymd å ta av flått-bandet til Shira!!! Forferdeleg surt altså! Synes vi kunne ha fått sluppe unna med ein advarsel - det er tross alt kl. 1, og det er jo ikkje snakk om eit halsbånd i den forstand!! Grr.......
AG-banen var òg vanskeleg, med utfordrande handling. Her mista eg Shira eit par ganger undervegs, ho blei distrahert av spennande lukter i grusen... Vi mista mykje tid på det, og pådrog oss feil og vegring, men det haldt likevel til ein 3. premie - og eg er fornøyd med at eg i det minste klarte å hanke Shira inn att rimeleg kjapt då ho starta med snusinga si, for det er ikkje alltid like lett!!
Alt i alt ei ganske vellykka helg! Det var to slitne jenter som kom heim til leilegheita i går..!
Lørdagen var det agility-stevne på Brekke, Maridalen, i regi av klubben vår, så då var eg medhjelpar der. Sto opp 0615(!), brygga kaffe til kiosken og var på plass kl. 0730. Frå då av gjekk det slag i slag med bane-bygging, eigne startar og rydding til slutt. Vi jobba i nesten 12 timar! Men det var kjekt, sosialt og det styrka tilhørighetsfølelsen til klubben. Første løpet vårt i hopp gjekk kjempebra!:D Eg hadde vore så nervøs på førehand, og nesten ikkje sove natta før, men Shira skuffa ikkje. Litt kranglete (mot andre hundar) var ho, men det gjekk bedre utover dagen. Og min største skrekk; at ho skulle storme ut av ringen og lemleste nokon stakarsar på sidelinja, det skjedde sjølvsagt og heldigvis ikkje. Ho hadde full fokus på meg, og vi kom gjennom banen med 1 feil og 1 vegring, innan standardtida - HURRA! Dvs. 2. premie, så eg er strålande nøgd!! Dessverre var det så mange påmeldte, og mange som gjorde det bra, at vi fekk ingen premie for det, men vi er like glade.
AG-løpet gjekk ikkje fullt så bra, der diska vi fordi Shira var heilt fjern på det tidspunktet. Vi fekk då likevel fullført, med fine felt!:)
Til slutt var det open hopp-klasse, ein kjapp og tett bane. Der gjorde vi eit bra løp, heilt til slutten der Shira gjekk i ei felle og tok feil hinder. Eg skulle vore meir obs på fella og dratt ho meir mot rette hinder, men, men... Fortsatt fornøyde vi - var jo kjekt likevel!!
Gitt om vi var slitne etter den dagen!!
Søndagen måtte vi òg opp tidleg, og kjørte til Drøbak. Då var Bjørn og Syver med for støtte, så det var ekstra hyggelig. Første løp var ein ganske vanskeleg hopp-bane, m/ alle hinder på max høgde (svenske dommarar er tøffe!). Vi gjorde likevel eit godt løp, men blei diska fordi eg hadde gløymd å ta av flått-bandet til Shira!!! Forferdeleg surt altså! Synes vi kunne ha fått sluppe unna med ein advarsel - det er tross alt kl. 1, og det er jo ikkje snakk om eit halsbånd i den forstand!! Grr.......
AG-banen var òg vanskeleg, med utfordrande handling. Her mista eg Shira eit par ganger undervegs, ho blei distrahert av spennande lukter i grusen... Vi mista mykje tid på det, og pådrog oss feil og vegring, men det haldt likevel til ein 3. premie - og eg er fornøyd med at eg i det minste klarte å hanke Shira inn att rimeleg kjapt då ho starta med snusinga si, for det er ikkje alltid like lett!!
Alt i alt ei ganske vellykka helg! Det var to slitne jenter som kom heim til leilegheita i går..!
torsdag 4. september 2008
Blodspor
I går var siste kurs-dag, og vi fekk gå ei test-prøve, der instruktøren (dommar) hadde lagt eit langt og umerka spor ut dagen før. Ei ny utfordring for meg og Shira! Ho starta kjempebra og var veldig spornøye - heilt til ein vinkel med blodopphald. Vinkelen låg midt i ei kryssing av mange stiar, så det var ganske utfordrande. Vi måtte til slutt få hint frå dommaren om retninga, og eg tar sjølvkritikk på at eg ikkje fulgte meir med. Eg kunne ha hjelpt Shira meir v/ å vore merksam på blodflekkar i terrenget, spor etter sporleggjar og tenkt litt over kor det ville vore logisk å gå vidare... Dessutan burde eg hatt blod på handa og gitt spor-signal (handa i bakken + kommando "spor") med ein gang eg oppfatta at Shira var av. Jaja, vi lærer jo av det. Er litt meir for førar å halda styr på enn eg trudde i utgangspunktet; vi er ein ekvipasje, eit team - det er ikkje bare Shira som skal jobba... Vidare i sporet kom vi over fersk-spor av rådyr, og då tok jo Shira ut i 120 sjølvsagt! Lina brann godt i handa mi, og det var såvidt eg fekk stoppa villdyret mitt! Heldigvis fekk eg hanka ho inn att, og resten av sporet gjekk greit. Verdt ein 3. premie visstnok, så vi fekk jo faktisk godkjendt tross alt! :) No må vi øva meir på lange spor lagt av andre, der eg ikkje veit kor det går, og vinklar med blodopphald.
Har visst gløymd å nemna kven som har kursa oss! Det er Oslo Hundeskole, og kan anbefalast.
I kveld er det forøvrig siste AG-trening før konkurranse-helga vår...... Shit altså!
Har visst gløymd å nemna kven som har kursa oss! Det er Oslo Hundeskole, og kan anbefalast.
I kveld er det forøvrig siste AG-trening før konkurranse-helga vår...... Shit altså!
fredag 29. august 2008
Kort oppdatering
Det har vore ein travel sommar, og det har ikkje blitt mindre travelt etter at vi kom tilbake til Oslo og starta på siste studie-året, så det har blitt dårleg med blogging...
Skulle jo eigentleg legge ut bilder frå Vossa-kurset, men spørs om eg får fingen ut til det.
Etter at vi kom tilbake har vi starta på enda eit nytt kurs - igjen! (Jada...) Og no trur eg faktisk vi ENDELEG, etter fire år, har funne det ultimate for Shira - noko ho kan verkeleg lykkast i, og vera lykkeleg med!:) Det er nemleg BLODSPOR - perfekt for denne blodtørstige jakthunden min! Ho tok poenget umiddelbart, og sporar nesten som om ho aldri har gjort anna i livet - flinke hunden min. Spørs om ikkje det blir godkjendt ettersøkshund av Shira no etter kvart:D
Men først skal vi gå eit par agility-konkurransar neste helg............ Det blir iallfall spennande!
Og så er eg nødt til å forlata min kjære bebbis i to heile månadar, så då blir det nok ikkje så mykje trening på ho. Heldigvis veit eg at ho vil ha det fantastisk godt på Skogen, ilag med Syver og Bjørn, ellers hadde eg aldri klart å reist frå ho så lenge... Eg skal forresten til Sør-Afrika ifm datainnsamling til Master-oppgåva mi, for dei som lurte på det.
Nei, no må eg jobba litt. Skal prøva å bli flinkare til å oppdatera bloggen, men kan ikkje lova noko - det er hektiske tider..!
Skulle jo eigentleg legge ut bilder frå Vossa-kurset, men spørs om eg får fingen ut til det.
Etter at vi kom tilbake har vi starta på enda eit nytt kurs - igjen! (Jada...) Og no trur eg faktisk vi ENDELEG, etter fire år, har funne det ultimate for Shira - noko ho kan verkeleg lykkast i, og vera lykkeleg med!:) Det er nemleg BLODSPOR - perfekt for denne blodtørstige jakthunden min! Ho tok poenget umiddelbart, og sporar nesten som om ho aldri har gjort anna i livet - flinke hunden min. Spørs om ikkje det blir godkjendt ettersøkshund av Shira no etter kvart:D
Men først skal vi gå eit par agility-konkurransar neste helg............ Det blir iallfall spennande!
Og så er eg nødt til å forlata min kjære bebbis i to heile månadar, så då blir det nok ikkje så mykje trening på ho. Heldigvis veit eg at ho vil ha det fantastisk godt på Skogen, ilag med Syver og Bjørn, ellers hadde eg aldri klart å reist frå ho så lenge... Eg skal forresten til Sør-Afrika ifm datainnsamling til Master-oppgåva mi, for dei som lurte på det.
Nei, no må eg jobba litt. Skal prøva å bli flinkare til å oppdatera bloggen, men kan ikkje lova noko - det er hektiske tider..!
onsdag 13. august 2008
Vossakurset 2008 (7.-10. aug.)
Som i fjor hadde vi det kjempekjekt på kurs i regi av Voss Hundeklubb!:D Verkeleg bra opplegg, og all æra til klubben for godt gjennomført arrangement!! Gode kurs og flinke instruktørar, og mange sosiale aktivitetar. Det gjekk i eitt bankande frå tidleg morgon til seine kvelden, og det var to slitne jenter som returnerte til Rosendal søndagsettermiddag... Shira gjekk rett og la seg i senga si og sov resten av dagen/kvelden - og ho mor måtte ta seg ein kvil på sofaen ho med..!..
Eg hadde meldt meg på med agility som 1. val, men var for seint ute, så då blei det sporkurs på oss, og det var jo kjekt det òg! Instruktør var sjef for Forsvarets Hundeskole, Ole Auten, ein sympatisk kar som verkeleg kan sakene sine - vha berre positive treningsmetodar:)
Shira, som ikkje har gått spor på nærmare to år, viste seg å vera litt rusten. Ho gjekk første sporet mest med nasa i sky og rota fælt, og brydde seg ikkje om pipe-grisen sin som låg i enden! Så etter denne mislykka starten (eg som hadde skrytt av at vi hadde starta såvidt med pinne-plukking!) blei det slepe-spor i fortsetnaden: Ole knytte ei lang lina i kongen til Shira, og ho fekk sjå den forsvinna inn i skogen, før ho blei satt i bilen. Etter ca. ein halv time tok vi ho ut, og då gjekk det mykje betre. Gjentok same prosedyren med slepe-spor igjen, med greit resultat, før vi prøvde vanleg (utan påverknad) igjen, men då gjekk det straks litt dårlegare igjen, så det var tilbake på slepe-spor igjen...
Fredagen fortsatte vi med slepe-spor (m/ minimal påverknad), og ho gjekk berre betre og betre utover dagen! Det var oppløftande sidan vi hadde slitt med at Shira konsekvent heller ville gå på vilt-spor, den sta-beisen! Dei to siste spora vi gjekk var kanonbra!! Ho konsentrerte seg bra, haldt nasa i bakken, og jobba rett og slett veldig bra. Fin avslutning på dagen - og fin avslutning på sporkurset. Dagen etter gjekk vi nemleg over til agilitykurset då det vart ein mindre person der.
Lørdagen blei det altså agility på oss likevel!:) Instruktøren var Anja MacNeill, og fokuset låg på handling. Eg har mykje å jobba med der, så det var godt å få litt veiledning!! Dette var ein varm og solrik dag, så Shira blei raskt pumpa, men vi fekk då litt ut av det tross alt. Jammen var det kjekt å få instruksjon i agility igjen!
Søndagen var det berre trening fram til lunsj, og det var nok like greit, for vi var slitne alle saman. Denne dagen tulla Shira ein del, ho ville helst berre gå å snusa i bakken, så eg måtte jobba hardt for å motivera ho til å halda fokus på agilityen. Vi klarte no å få ein fin avslutning, med stor fart:) Om å gjera å behalda det positive rundt aktiviteten, så då får det heller berre vera at det ikkje blei så mykje handling-trening på meg akkurat då.
Sosiale aktivitetar (forutan måltida!) var quiz torsdagskvelden (sjølvsagt hunderelatert!), foredrag om tøying av hundens musklar fredagskvelden (+ vi var innom festen til dei danske soldatane) og koseleg grillfest lørdagskvelden. God stemning og masse kjekke folk!!
Vi kjem meir enn gjerne tilbake på kurs neste sommar, og anbefalar det til alle andre! :)
Bilder frå denne langhelga blir lagt inn i eit eige innlegg litt seinare.
Eg hadde meldt meg på med agility som 1. val, men var for seint ute, så då blei det sporkurs på oss, og det var jo kjekt det òg! Instruktør var sjef for Forsvarets Hundeskole, Ole Auten, ein sympatisk kar som verkeleg kan sakene sine - vha berre positive treningsmetodar:)
Shira, som ikkje har gått spor på nærmare to år, viste seg å vera litt rusten. Ho gjekk første sporet mest med nasa i sky og rota fælt, og brydde seg ikkje om pipe-grisen sin som låg i enden! Så etter denne mislykka starten (eg som hadde skrytt av at vi hadde starta såvidt med pinne-plukking!) blei det slepe-spor i fortsetnaden: Ole knytte ei lang lina i kongen til Shira, og ho fekk sjå den forsvinna inn i skogen, før ho blei satt i bilen. Etter ca. ein halv time tok vi ho ut, og då gjekk det mykje betre. Gjentok same prosedyren med slepe-spor igjen, med greit resultat, før vi prøvde vanleg (utan påverknad) igjen, men då gjekk det straks litt dårlegare igjen, så det var tilbake på slepe-spor igjen...
Fredagen fortsatte vi med slepe-spor (m/ minimal påverknad), og ho gjekk berre betre og betre utover dagen! Det var oppløftande sidan vi hadde slitt med at Shira konsekvent heller ville gå på vilt-spor, den sta-beisen! Dei to siste spora vi gjekk var kanonbra!! Ho konsentrerte seg bra, haldt nasa i bakken, og jobba rett og slett veldig bra. Fin avslutning på dagen - og fin avslutning på sporkurset. Dagen etter gjekk vi nemleg over til agilitykurset då det vart ein mindre person der.
Lørdagen blei det altså agility på oss likevel!:) Instruktøren var Anja MacNeill, og fokuset låg på handling. Eg har mykje å jobba med der, så det var godt å få litt veiledning!! Dette var ein varm og solrik dag, så Shira blei raskt pumpa, men vi fekk då litt ut av det tross alt. Jammen var det kjekt å få instruksjon i agility igjen!
Søndagen var det berre trening fram til lunsj, og det var nok like greit, for vi var slitne alle saman. Denne dagen tulla Shira ein del, ho ville helst berre gå å snusa i bakken, så eg måtte jobba hardt for å motivera ho til å halda fokus på agilityen. Vi klarte no å få ein fin avslutning, med stor fart:) Om å gjera å behalda det positive rundt aktiviteten, så då får det heller berre vera at det ikkje blei så mykje handling-trening på meg akkurat då.
Sosiale aktivitetar (forutan måltida!) var quiz torsdagskvelden (sjølvsagt hunderelatert!), foredrag om tøying av hundens musklar fredagskvelden (+ vi var innom festen til dei danske soldatane) og koseleg grillfest lørdagskvelden. God stemning og masse kjekke folk!!
Vi kjem meir enn gjerne tilbake på kurs neste sommar, og anbefalar det til alle andre! :)
Bilder frå denne langhelga blir lagt inn i eit eige innlegg litt seinare.
Abonner på:
Innlegg (Atom)