Fullt program

Sidan forrige blogg-innlegg har tida bare flydd avgårde. Victor har vore med på masse, og eg skal prøva å huska det meste, det viktigaste iallfall...

Forrige helg var ein milepæl, for då starta endeleg vetle-guten å sova natta gjennom! Hurra! På tide når ein er 11 veker synes eg... Viste seg at problemet skuldast at det lysnar så tidleg - noko så enkelt!! Dette fann ho mor ut etter å ha kome på den geniale ideen om å legga eit stort handkle over buret om natta..! Fattar ikkje at eg ikkje har kome på det før! Er veldig lyst i stova vår, mange vindauger, ingen gardiner, og det er jo ikkje mange timane det er mørkt om natta no...

Forrige mandag var siste dagen på valpekurs, og det gjekk jo som vanleg ganske bra. Synes kurset burde vart lenger!

Tirsdagen var vi nedi by'n, på Puppy Party. Eg var på Blindern på kurs den dagen, så det blei Bjørn som tok Victor med seg innover, og då var det miljøtrening for alle penga! Dei tok toget, Victor var flink, men tissa inne på Oslo S... Det hølja ned heile den dagen, og bare det var ein prøvelse for vetle Victor - han likte det ikkje!! Dei gjekk litt rundt og såg på livet i sentrum før dei tok trikken opp til meg på Blindern. Då var Victor heilt utkjørt av alle dei nye inntrykka - ikkje den luraste oppladinga for Puppy Party... På valpefesten møtte ti kvalpar, dei fleste var under 12 veker og mindre enn Victor, men Victor var sjenert og tilbakehalden. Han ville heller kose med dei tobeinte og trene enn å leika med dei andre. 40% av kvalpane var forresten Portugisisk Vannhund - Obama-effekten?.. Victor har hittil vore lite interessert i framande hundar, inkl. kvalpar, og eg er litt usikker på korleis eg skal ta det. På ein måte er det jo bra, gjer jo treninga mykje lettare! Men eg vil ikkje at han skal vere redd for andre hundar heller, så vi får bare fortsetja og sosialisera.

Onsdagen var vi på skytebanen. Victor fekk eit griseøyre (det første i sitt liv, og det slo verkeleg an!), og låg baki bilen og koste seg med det mens det small rundt han. Bilen stod parkert ganske tett opp til skytinga og vindauga var opne, men Victor reagerte ikkje. Han bare logra:) Var verre med Shira som eg trente utanfor... Gjekk med ein pose med kotelett- og pølsebitar, men ho var fortsatt engsteleg. Men ho tok no iallfall godbitane, så det kunne jo alltids vore verre. Etter ei god stund blei vi bare sitjande i bilen, og då kapitulerte Shira til slutt og la seg ned. Skal trene meir seinare.

Torsdagen gjekk vi tur ved Østensjø-vatnet(?), der det er MASSE fuglar (ender, gjess, osv.), slik at Victor skulle få oppleve fugl på nært hald. Han var nysgjerrig, men haldt seg roleg - flinke guten!:) I tillegg møtte vi fleire hundar og hadde nærkontakt med islandshestar som sto inngjerda der. Victor var slettes ikkje redd hestane, og ville helst leika med dei:) Han var meir skeptisk overfor sin eigen art...

Fredagen var vi hos vet'en for å få 12-vekers vaksina. Vet'en skrytte voldsomt over Victor. Alt var bra med han, ingen problemer og for eit fantastisk flott lynne - dette lova godt, sa vet'en! :D

Vi reiste så nedover til hytta på Jæløya, første gang heile gjengen var på helgetur i lag! Foreldra til Bjørn var òg der, og vi koste oss med sol og varme, god mat og vin. Shira fekk bada, så ho var jo strålande nøgd. Lørdagen slappa vi bare av, mens søndagen drog vi til Sarpsborg for å sjå på Retriever-klubbens pinse-arrangement. Var utstilling, og vi var spente på å sjå lab-kvalpane som skulle delta... Dei var dobbelt så breie som Victor!! Sjølv om dei var nokre veker eldre kjem Victor aldri til å sjå sånn ut... Kun ein stilte i bruksklassen - kun for nødvendighets skuld fordi du må ha premiering frå utstilling for å kunne få jakt-championat... Var eit særdeles flott eksemplar som stilte (Searover Kits Deep), og heldigvis hadde den britiske domaren vett nok til å bedømma han ut i frå at dette faktisk var ein JAKTlab, så det blei gitt raudt tross alt.

Dagen i går var meir spennande. Då var det Working Test uti skogen. Veldig interessant for oss ferskingane å sjå korleis det foregår. Tenkjer vi skal klare det neste år!! Det var fem postar deltakarane måtte gjennom. Det blei skutt ein del, og det gjekk stort sett i å markere og apportere dummier. Veldig mange Flat'er med, og ikkje så mange jakt-lab'er. Igjen viste Victor stor trygghet. Han reagerte ikkje i det heile på skudda, og fekk helst på mange folk og hundar. Til slutt sovna han i lyngen midt oppi det heile... :)

Så det har vore ei god veke med MASSE miljøtrening! Siste innspurt før sosialiseringsvinduet lukker seg... ;)

På siste lufteturen seint i går kveld hadde vi ein litt ekkel oppleving. Den starta veldig morsom faktisk... Shira kom over ein frosk i vegen, og ho syntes den var fantastisk artig der den hoppa bortover - ho var som ein kvalp igjen, og eg lot ho leike litt med den. Ho bare slo litt etter den med labben og dytta litt i den. Er litt usikker på om ho tok den i munnen på eit tidspunkt. Det gjekk ikkje lange tida, kanskje bare eit minutt, før ho plutseleg fekk ein rar reaksjon. Akkurat då gjekk Victor òg bort til frosken, men eg fekk redda han unna før det gjekk for langt. For Shira fråda om kjeften! Det skumma og rant!! Det var heilt tydeleg at frosken hadde utskilt noko gift-stoff for beskyttelse, Victor fekk ein lik reaksjon i mindre skala. Det var skikkeleg ekkelt! Shira brakk seg, og eg blei skikkeleg uroleg. Observerte hundane grundig. Det ga seg heldigvis raskt, først hos Victor og så hos Shira. Ho slutta å skumma av munnen etter ca. 20-25 min. Så bodskapen er klar: Ikkje la hundane dåkas få lov til å leika seg med froskar!! I dag tidleg hadde Victor diaré, og kanskje var det òg ein del av reaksjonen på frosken? Heldigvis blei no Victor raskt bra att i løpet av dagen i dag:)

Bilder frå 11-vekers dagen, tatt av Espen W.

Når villdyret våkner...

I dag er Victor 11 veker, og i løpet av dei siste dagane har det skjedd noko med han... Villdyret har endeleg vakna, og han har vist oss at det ikkje er noko som helst gale med han, han er ein heilt normal kvalp no! :) Det eg siktar til er at Victor har vore så ekstremt roleg av seg at vi blei nesten litt bekymra for han, men han har i løpet av få dagar no blitt meir og meir aktiv - og no savnar vi nesten den gamle Victor! ;) For to dagar sidan haldt han det gåande med Syver heile dagen, i fullt tempo, og på kvelden var han med på Retrieverklubbens jaktcup. Der haldt han ut i tre timar, og var i storform. Helste på mange folk og vaksne retrievere, og fekk leikt med ein Golden-kvalp på ni veker som heitte Viggo. Victor var litt skeptisk i starten, men slapp seg laus ganske raskt. Og midt i det heile ville han faktisk heller trene enn å leike! Den hunden er jo bare heilt rå!! Og då vi kom heim tok det fortsatt ei stund før han "kollapsa". Og ikkje ein gang etter ein sånn lang og aktiv dag fekk mor sova heile natta... :-s

Dette var altså vårt første møte med retriever-klubben, og det var masse trivelege folk der. Verkar som om det er eit godt miljø der. Og så var det så fin atmosfære mellom hundane!! Var veldig mange der den dagen, men alle var samla og oppførte seg hyggeleg mot kvarandre. Dette ser ein ikkje ofte der det er samla mange hundar av ulike rasar... Retrieverane er verkeleg trivelege hundar! :)

I går var vi heime heile dagen, og då var Victor skikkeleg masete og bøllete! Det måtte skje noko heile tida, og sidan det ikkje gjorde det (eg måtte bruka tida mi på å skriva jobb-søknad), blei han veldig rastlaus og masete - kjeda seg skikkeleg! Eg måtte halda han og Syver atskilt sidan dei akkurat var blitt dynka i Exspot, og sidan vi skulle på valpekurs på kvelden og då var det om å gjere å ha litt energi igjen til det... Valpekurset gjekk bra. Vi trente på passeringstrening, gå på plass, sitt og bli, helsa på framande utan å hoppa, og innkalling.

I natt fekk eg sova seks og ein halv time i strekk, så det kjem seg:) I dag er planen å ta ein tur inn til byen og besøka ein kompis. Tenkjer kanskje å gå eit blodspor med Shira òg.

Bilder frå dei to første vekene med Victor

Shira soler seg og Victor held ho med selskap


Heile gjengen på eit brett - ikkje så lett å få til...


Fine hundane mine!! :)

Victor et blomar mens Shira poserer meir vant

Victor ser på eit fly :)

Shira og Victor leikar. Shira ser litt gal ut, men ho er verdas mest tålmodige med Victor altså!

Trening: God kontakt!

På valpekurs: Victor kan kunsten å gå fint i band! Bjørn synes det er litt langt ned til Victor...

Gutta tar ein blund i lag på sofaen

Er som regel desse to karane som får nyta senga til Shira...

Her har Victor'en sovna på kjøkengulvet - han er ein liten trøtting.

Fått margbein - NAM! Er ikkje Victor søt?! :)

Victor er no 10 veker gamal...

...og det er tid for ei oppsumering av korleis vi kjenner han så langt.

Victor er først og fremst ein utruleg søt og snill hund! Han sjarmerer alle han møter heilt i senk. Han er ein veldig roleg valp, nesten så eg blir bekymra... Alle kommenterer det, og eg trur han er den rolegaste valpen eg har møtt! Det er no heldigvis litt liv i han òg: I lag med Syver herjar han bra, og han blir veldig ivrig når vi trener:) Victor er ein skikkeleg glad-gutt, halen visper og går konstant! :D Som den labradoren han er er han VELDIG glad i mat, og det koker fullstendig over for han når det er måltid på gang, men vi får han no til å sitja, og jobbar med at han må venta på værsågod... Han er (heldigvis) ein heilt anna type enn Shira: Held seg i nærleiken av oss heile tida, diltar i hælane på oss, mens Shira var over alle hauar allereie i den alderen der, så det lovar jo godt for framtidig trening av Victor!;)

"Sitt" kan Victor no, og han er veldig flink på innkalling, både på namnet sitt og spesielt på fløyte (lært inn hos oppdretter). Å gå fint i band er ingen problem for han. Ellers jobbar vi med å sette seg inn på plass og bli. Vi fekk dessverre eit stort tilbakesteg i "på plass"-treninga etter at eg var så uheldig å trakka på han, og då blei han skremt:( Men Victor er ein solid hund, og ein smart hund, så eg trur dette skal gå seg til ganske raskt. Vi får handtera han utan problemer: Klippe klør, rense auger og øyrer, etc.:) Og han synes det er heilt ok å kjøra bil, då bare legg han seg til å sova.

Victor er altså ein fantastisk fin hund på alle mulige måtar, og eg er så takknemleg for å ha fått kjøpa han av Mirjam og Anders ved Carmals Gun Dogs. Einaste vi sliter litt med er nettene. Vi har kun sove ei heil natt sidan vi fekk han for snart to veker sidan. Dette er heilt ulikt frå korleis Shira var, ho sov natta gjennom frå første stund. Lurer på om kanskje gutane rett og slett ikkje klarar å halda seg like lenge som tispene? Vi legg oss rundt midnatt, og så er det opp i fire-tida og seks-sju tida att... Byrjar å bli slitsomt. Han sover i bur i stova, så han har vore veldig flink å sei høgt og tydeleg ifrå når han må ut, og det har gått greit, men dei siste nettene har han tissa i buret før eg rekk fram, og dette synes eg er rart. (Han har ikkje vatn i buret om natta.) Eg sover veldig lett og spretter opp straks eg høyrer han. Nokon som vil dela sine erfaringar på dette området med meg?

-TRØTTE Therese-

Meir miljøtrening

I går starta vi dagen etter ei rekord-lang søvnfull natt! :D Victor sov i heile sju og ein halv time - herligt!! Vi kjørte inn til byen for å gå på årets store skrotmesse på Ekeberg. Ein perfekt miljøtrenings-mulighet for både liten og stor. Shira var reist på besøk til PI for helga (ho er populær den tøtta), så eg og Bjørn tok med oss Syver og Victor. På Ekeberg var det ekstremt masse folk og mange hundar med. Vi møtte faktisk ein gul jaktlabrador!:) Ei tispe på to og eit halvt år. Var veldig artig å sjå kor Victor tydeleg kjendet att rasen sin! Han har ikkje vist ein sånn glede og iver over å treffe andre hundar som då han såg denne her!!:) Vi møtte òg ei tispe som var veldig lik på Shira, blanding av Border Collie og Staff. Ho var veldig glad i kvalpar:) Ellers fekk Victor helsa på masse forskjellige folk òg. Umulig å bevege seg effektivt framover gjennom ei folkemengde med ein sånn søt valp som Victor på armen: Alle smiler og vil klappe og synes han er fantastisk:) Og Victor er like glad og trygg over for alle saman!:) Til og med ein stor hest fekk han helsa på, men veit ikkje heilt kva han eigentleg oppfatta av den - den var jo så enorm for han!

Victor blei raskt trøtt av alt dette her, så vi måtte bera han mykje av tida - og gitt om han veks for kvar dag! Til og med Bjørn syntes Victor var tung!! Då vi fekk han veide han 6,8 kg. Skal vega han igjen i dag og sjå kor mykje han har lagt på seg i løpet av veka...

Etter skrot-messa besøkte vi nokon venner på Tøyen, og då var Victor så sliten at han bare sov..

Victor og Syver er forresten blitt gode kompisar no!:) I starten var Syver veldig skeptisk og anspent, likte slettes ikkje dette ny-tilskuddet i familien... Syver er veldig oppmerksomhetssjuk og eiesjuk, så han blei jo veldig sjalu. Men etter eit par dagar fekk vi eit gjennombrudd då vi var på besøk hos foreldra til Bjørn. Då leika plutseleg gutta i lag! Og sidan har dei herja fint i lag og har det moro saman:) No ligg dei tett saman og sover på senga til Shira...

Bilder frå helga i Sverige då vi henta Victor

Bjørn med pappa Lee. Vi satsar på at Victor blir like flott som far sin!:)


Eg og mamma Kita som er svensk jakt-champion.


Victors fine foreldre: Lee og Kita

Victor "angriper" broren

Victor byr opp mamma Kita til leik. Oppdretter Mirjam følger med.

Vetle go'guten vår Victor :)