tirsdag 31. desember 2013

2013 - TILBAKEBLIKK

Det er vel ingen overraskelse at mitt liv dreier seg mykje om hund og at hund er min store lidenskap. Sjølv om hundane er familien min og betyr alt for meg får eg òg mykje anna ut av hundehaldet: Generell glede, mestringsfølelse og sosialt felleskap med likesinna - som eg set stor pris på! Det er no på tide med ei oppsumering av året som har gått, der Victor spelar ei hovedrolle.

Vinteren var stille, men i mars byrja det å skje ting, inkludert eit av årets høgdepunkt... Eg og Victor (+ Shira) kjørte den lange vegen rundt heile sørkysten av Norge for å delta på dobbel jaktprøve i regi av NRK avd. Rogaland. Det viste seg å vere verd turen, for lørdagen fekk vi (som einaste ekvipasje) 1. pr., blei dermed Elitevinner 2013 og fekk pokal til og med - stor stas!! Vår første 1.pr. i eliteklassen. På søndagens prøve meinte Victor at han hadde gjort nok, så då rauk vi etter kvart ut, men det la ingen demper på gleden. Han gjorde generelt veldig mykje bra arbeid den helga! :-)

Mai måned var særdeles travel, med jaktkurs to helger. Dyktige instruktørar var henholdsvis Oliver Kiraly og Trond Gjøtterud. I tillegg var det to helger med working tester: NRKs pinsearrangement på Kongsvinger, med utstilling eine dagen og WT neste dag. På utstillinga fekk vi Very Good (blå), og med 2. WT EK (94 poeng) gjekk vi til topps i dual-konkurransen for rasen og blei Labradormester! Siste helga var det igjen både utstilling og WT, i regi av NRK avd. Gjøvik/Lillehammer. På denne utstillinga fekk vi Good (gul), mens på WT vann vi eliteklassen med 88 poeng.

 I juni var det tid for NLM (norsk lagmesterskap i retrieverarbeid) på Bogstad, Oslo. Vi stilte lag med Rønnaug & Sofi, Wenche & Ronja og Tone Kit & Mira - og vi vann!! :-D

Haustsesongen starta med The Retriever Challenge, WT i regi av NRK avd. Østfold. Victor gjorde ein god jobb, men med 0 på ein post klarte vi ikkje å hevda oss. Helga etter var vi som vanleg på jakt- og fiskedagane på Elverum. Eg nytta høvet og meldte Vic på Norges største "jakthundutstilling", men endte med dårlegaste resultatet nokon sinne: Sufficient (grøn)... Helga etter fekk vi vist kva vi er gode for i vårt rette element: Sesongens første jaktprøve endte med 1. EK og hederspris! Herlig!! Trondheimsturen eit par veker etterpå, derimot, kan vi forbigå i stillheit, mens Ringeriksprøven midt i september endte med ein 2. pr. Vi apporterte ved eit par andejakter, og særs nøgd er eg med Victors innsats på den siste - så gøy når samarbeidet funkar 100 %!

Og så til årets desiderte høgdepunkt: Victor fekk Champion-tittelen sin!! Etter vel gjennomført jaktprøve på Bogstad i regi av NRK avd. Oslo og omegn blei vi premiert med vår tredje 1.EK og dermed Championatet - vårt hovedmål nådd! :-) Verd å nemne er òg at Victor vann klubbens jaktcup og dermed blei årets Multe, og at eg deltok på NRKs RAS-seminar, der vi diskuterte mål for retrieverens framtid. Klubbmesterskapet i jakt var vi òg med på, meir er det ikkje å sei om den saken... Vi klarte likevel å avslutte året med stil, i lag med resten av demo-gruppa som viste fram retrieverjakt i vinnerringen ved Dogs4All, ein vellykka demostrasjon som blei godt imottatt.

For eit år eg og Victor har hatt! Eg set så stor pris på den hunden!! Han gjer livet mitt som hundeeigar og -førar enkelt. Til tross for ein skade i haust (strekk i eine framfoten) har han heile tida vore like glad, lojal, samarbeidsvillig og gjort sitt beste - er det rart Victor spelar ei så stor rolle i livet mitt?! Vi ser fram til eit nytt år, med nye muligheter, med støtte frå Bjørn og i felleskapet med våre venner i retrievermiljøet. GODT NYTT ÅR!!

onsdag 9. oktober 2013

Valper etter Victor og Drina planlegges i 2014

Då er det "offisielt": Viss alt går etter planen blir det valper etter Victor til neste år! Dette er uendeleg stort for meg!! :-D Tispa er Michnos Drina Daim, eigd og oppdretta av Charlotte og Lars Nørgaard i Danmark. Drina er ei triveleg svart tispe med svært gode jaktegenskaper, av bra linjer. Les meir om planene for "Hvalpe" på Kennel Michno si heimeside: http://www.michno.dk/

Her er det bare å stille seg i kø, disse valpene blir labradorer slik vi vil ha dei: Flotte, sosiale, glade, snille, lærevillige, samarbeidsvillige, aktive, tøffe, sterke og friske! :-) :-) :-)

mandag 7. oktober 2013

We are the Champions! Hurra, hurra, hurra!!

N JCH Carmal's Kitas Prince (foto: Sarita Winsevik)

Eg har nådd målet med Victor for 2013, med tredje 1. premien på plass, på heimebane, ved helgas jaktprøve, har han no tittelen: NORSK JAKTCHAMPION! Det føles heilt herligt!!! :-D

Prøveopplegget kan lesast om i Saritas dagbok. Victor gjorde jobben sin, eg var godt nøgd med han og vi blei altså premiert med 1. pr. Den danske dommaren, Lars Nordenhof, opprettholdt spenninga heilt til siste slutt, og då dei annonserte resultatet var det ein utruleg lettelse! Dette har vi jo jobba mot i fleire år no. Rett nok er Victor eit naturtalent av dimensjonar og han gjer jobben min veldig lett, men ingen er perfekt og vi har hatt våre utfordringar opp gjennom vi òg - og han hadde jo faktisk ikkje klart dette utan meg;-) Eg må bare sei at eg har aldri fått til noko slikt før (Champion liksom?!), så dette skal eg leve lenge på, og denne mestringsfølelsen unner eg alle! Veldig kjekt at så mange i retrieverfamilien gler seg med oss! :)

Det var ingen selvfølge at vi skulle nå målet vårt enno... For ei tid tilbake blei Victor litt halt i eine framfoten, noko som bare viste seg etter at han hadde kvilt ei stund etter belastning/trening. Vi fekk det sjekka ut hos hundefysioterapeut Nina Egeberg og tok røntgenbilde hos veterinæren. Heldigvis var det ingen verdas ting å sjå på bildet, så konklusjonen var at det måtte skyldes ein strekk (det kan gå hardt for seg for ein aktiv jakthund!). Nina har behandla Victor eit par ganger, vi har tatt det med ro ei stund og han har fått Rimadyl ein periode. Derfor var spenninga ekstra stor no før helga, då vi skulle i ilden på jaktprøve igjen - spesielt sidan eg fekk invitasjon til å apportere på andejakt kvelden før, noko eg ikkje klarte å sei nei til!.. ;-) Torsdag hadde vi oss ei lita, lett treningsøkt heime, eg og Victor, og etterpå var han halt igjen! Eg var så skuffa og lei meg! Neste dag var han dog bra igjen og eg lot det stå til (kanskje ein smule uansvarlig, men eg tok sjansen) og deltok på andejakt med han den kvelden. Lørdagsmorgen var eg ekstremt spent på formen hans: Han halta ikkje - hurra! Det bar avgårde til jaktprøve i Oslo, og i øs-pøs-regnver gjorde vi jobben vår på eit flott prøveopplegg i Bogstad park. Takk til avdelinga, prøveleder, medhjelpere og dommere!! Det er labradoren sin, det! Gjer ein kjempeinnsats som apporter på andejakt eine kvelden, for så å prestere like godt på offisiell jaktprøve neste morgen. Dette krever sin jakthund og er nok eit bevis på at Victor fortjener tittelen sin. Han var sliten etterpå altså... ;-)

No ser vi fram til å jobbe mot nye målsettinger, og vi går spennande tider i møte då det er planar om "mini-Victorer" framover... Følg med! :-)

Til slutt i dette innlegget må eg bare få rette ein stor takk til Victors flinke oppdrettere, Anders og Mirjam, som solgte meg den gode, gule guten, Victor!! Og ikkje minst takk til vår supertrivelege treningsgjeng som sørger for jevnlig trening okke som! :-)

En relasjon basert på kjærlighet og respekt = Championat? (foto: Sarita Winsevik)

fredag 6. september 2013

Sånn gjer ein Elite-HP-hund!

Etter å ha gått til 1. premie med HP (hederspris) på NRK avd. Kongsvinger og omegns jaktprøve for eit par veker sidan var eg rimeleg høgt oppe. Dommar Øyvind Veels samanfattande kritikk: "Solid ekvipasje. Føres godt og riktig. Løser alle dagens oppgaver effektivt. Jaktmaskin." Og hadde dertil store forhåpninger då vi ankom Stjørdal no forrige helg... Dobbeltprøve i regi av NRK avd. Trondheim og omegn, og to sjanser altså - til å få i havn den siste førstepremien (vi treng for championattittelen)... Eg kjende på presset og følte at vi hadde litt å leve opp til, mens Victor - vel, gudane skal vite kva han kjende på! At han bare er ein hund tross alt, kanskje? Haha, eg kan (nesten) le av det no, men eg kan lova at det ikkje var mykje morsomt då. Dommar Pål Bådsviks samanfattande kritikk: "Gjennomfører i dag alle prøvens momenter. Konsentrert og målbevisst markør med meget godt minne. Brister i sitt dirigeringsarbeid, samt underkjent søk gjør at hunden ikke kan premieres." Tenk det, feltsøk som brukar å vere stjerneøvelsen vår!.. Nei, kva som gjekk av Victor då har eg ikkje svar på, han var iallfall ikkje på jobb! Feltet låg ved eit skogstjern, men Victor låste seg heilt til vannkanten og såg ut som han ville imponere dommaren med å vise kor flink han er i lengdehopp, frå øy til øy... Synd at det og bading ikkje var del av prøveoppgåvene, då hadde vi gjort det bra!.. For å sei det sånn, humøret mitt på slutten der sto i stil med vèret, det var (bokstavelig talt) ei svart sky over hovudet mitt og det striregna! Min trivelege makker (vi gjekk to og to i par) hadde eit par teoriar om det kunne vere hennar feil, fordi ho måtte blåse inn hunden sin, og Victor som då akkurat var sendt ut, stoppa opp og blei litt satt ut - men slikt skal han tåle. Eller om det var hunden hennar, ein eldre hannhund, som med høg hale "parkerte" Victor - vel, han er vane med å jobbe med andre, så det må han òg tåle. Nei, han var høg som eit hus frå starten av, ikkje klarte han å gå fot og ikkje klarte han å springe rett fram på dirigering - det kokte nok rett og slett heilt over for han! Nullen vi fekk var dessverre fortjent altså. Kanskje vi skal innføre lengdehopp-konkurranse til Norge? ;-)

Søndagen var Victor slik vi kjenner han på plass att, heldigvis! Det var ein triveleg prøve i solskinn, der alle seks EK-ekvipasjane gjekk i lag. Først var det markeringsarbeid på land og vatn, så ein liten walk-up/støkkjakt med markeringer og blinde fremmadsendinger, for så å avslutte med ein drive/klappjakt. Vi gjorde ein bra jobb gjennom heile prøven, det var bare ei markering vi måtte jobba med. Dessverre gjorde det at 1. premien glapp, og vi endte opp med ein 2. pr. Vel og bra det, men ikkje det vi samlar på lenger... Dommar Trond Gjøtterud sin samanfattande kritikk: "Gjennomfører hele prøven på en fin måte. Variabelt mark.arb. Viser styrke i søksarb. Lar seg villig styre. Manglende konsentrasjon på mark. i starten av prøven gir premiegraden."

Jaja, vi får heldigvis ein ny sjanse neste helg, sidan NRK avd. Ringerike og omegn har vist velvilje og latt oss få vere med på deira jaktprøve! :-) På an igjen... I mellomtida er det bare å ynskje alle som deltar på Mesterskapshelgen lykke til! Måtte den beste retriever vinne!

søndag 11. august 2013

De Nordiske Jakt- og Fiskedagene 2013

Det har blitt tradisjon å dra til Elverum for å overvære dette årlege arrangementet, inkludert "en av de største jaktustillingene som arrangeres i hele Skandinavia" (fra programmet). I fjor stilte vi bare Melvin, som då fekk Cert og blei BIR, to år gamal. I år hadde vi meldt på både Melvin og Victor. Melvin var først i ringen og han gjentok bragden frå i fjor: Cert og BIR! Han er tydeligvis ein fin basset! :-) For dei som ikkje er så kjende med utstillingsterminologien gis Certifikat til dei ekstra fine hundane som er av "Excellent" (1. pr.) kvalitet. Får du tre Cert blir du utstillingschampion. BIR = best av alle stilte i den rasen, og går vidare til gruppefinale for å konkurrere om å bli best i gruppa (av fleire hunderasar), for igjen å konkurrere om BIS-tittel (Best in show). I gruppefinalen (gr. 4 og 6) blei det spennande då dommaren plukka ut Melvin blant alle dei fine BIR-hundane. Han og Bjørn blei ståande att i ringen i lag med fem andre ekvipasjar der fire skulle plasserast. Melvin blei ikkje plassert blant dei fire beste, men vi er uansett veldig nøgde med at han kom så langt - det var over all forventning!.. Og fine premiar blei det - skal få tatt bilder.



Det var verre med storebror, Victor... Forventningane var det så som så med, men eg var optimistisk sidan, som det står i programmet for arrangementet: "Dagens utstilling er basert på de tradisjonelle ideene om å skape bedre jakthunder: Den skal fremme utviklingen av den enkelte hunderase, fysiske og sunne hunder, typeriktige, funksjonelle og sosialt tilpassede hunder." Dette var jo noko til og med eg kunne kjøpe... Dei som kjenner meg veit at eg ikkje er overbegeistra for hundeutstillingar, og kan nok stusse over at eg plutselig har begynt å stille Victor fleire ganger, til tross for at vi har det vi treng for å kunne få jaktchampionat. Vel, eg har tenkt: Det er ikkje til å koma vekk i frå at utstilling er den største hundesporten og den er komen for å bli, så "if you can't beat them, join them!" ;-) Vi kan krangle om korleis ein labrador skal sjå ut, og klage over at for få labradorer generelt deltar på jaktlige aktiviteter og at labradorer av reine jaktlinjer ikkje får rettferdig bedømming på utstilling, osv. Men viss vi ynskjer endring og utvikling så må vi alle vere aktive på fleire fronter. Derfor har eg bestemt meg for å stille ut min jaktavla labrador to-tre ganger i året, og det vil eg oppmode andre med same type hund til å gjere! Då er vi der dei fleste folk er, og får vist fram dei flotte og funksjonelle hundane våre - både til dommarar og andre hundefolk.

Foto: Ann Brændshøi
Tilbake til Elverumsutstillinga: Victor fekk Excellent (raud/1. pr.) her for to år sidan, og sidan han aldri har vore finare enn han er no (han har jo lagt seg litt ut sidan han var to år), hadde eg håp... "Sufficient" (grøn/4.pr.) blei det! (På utstilling er det fire premiegrader du kan få etter kor godt dommaren synes hunden oppfyller rasestandarden: Excellent (1.), Very Good (2.), Good (3.) og Sufficient (4.), og evt. ingen premiering i det heile, men det skal mykje til...) Eg kan telje utstillingane Victor har deltatt på på ei hand (over ein toårsperiode), vi har aldri fått så dårleg resultat før, og no har vi altså alle fire premiegradene/fargane. Er det mogeleg? Det er kanskje ikkje så rart at eg er så pass skeptisk til utstilling, det verkar jo rimeleg tilfeldig? Og subjektivt... Kva skjedde med ideen om å skape bedre jakthunder? Mens det i åpen klasse florerte med raudsløyfer, måtte vi i bruksklassen/jaktpremierte (tre tisper, ein hannhund) nøye oss med grønt og ei gul... Kritikken Vic fekk: "Godtakbar helhet. Hodet skulle vært mer rasetypisk i sine linjer og sitt uttrykk. Velformet hals. Bra skuldre. Steil overarm. Velvinklet bakpart. Brystkassen skulle vært bredere. Beveger seg stabilt. Mb pels. Trivelig temperament." Jaja, for første gang fekk vi "bra pels" i det minste... Og vi gjev oss ikkje, we'll be back! Om enn ikkje i år, no får det halda for ei stund... Til helga skal vi gjere noko vi kan, gå jaktprøve - og det gler vi oss til! :-)

tirsdag 6. august 2013

Oppsumering første halvår 2013

Med working testen helga som var starta haustsesongen for meg og Victor, og då tenkte eg det var greit å sjå tilbake på vårsesongen. Den var jo faktisk heilt utruleg for oss! :-D Vi lyktes i det meste vi foretok oss og var ein usedvanlig positiv flyt. Må bare haustsesongen fortsetje i same duren...

I mars braka det laus med eliteprøven i Rogaland. Det var vel verd den lange reisa då Victor sto igjen som einaste med 1. pr. på lørdagen og blei kåra Elitevinner! Dagen etter gjorde han ein solid innsats igjen, spesielt gjennom ein særs langvarig drive (fleire ganger) med 13 stk. på linja! Han var stille og dommaren hadde observert at han jakta effektivt og godt inne i skogen. Etterpå var det walk-up og det haldt ei stund. Vi var uheldige og fekk i oppgåve å eye-wipe hunden før oss som ikkje hadde lykkast på ei vanskeleg dirigering. Her sa Victor at no får det vere nok, så han tok ut og sprang i frå heile greia... Dermed blei det 0.

I mai hadde vi eit tettpakka program med jaktkurs to helger, med dyktige instruktørar Oliver Kiraly og Trond Gjøtterud, samt to helger med working tester. Først var det NRKs pinsearrangement på Kongsvinger, med utstilling eine dagen og WT neste dag. På utstillinga (brukshundklasse) fekk vi Very Good (blå) av dommar Sverre Sand. Og med 2. WT EK (94 poeng) gjekk vi til topps i dual-konkurransen, som Labradormester! Ekstra kjekt at ein labrador av reine jaktlinjer kan få vist seg fram i ei slik kåring. :-) Siste helga i mai var det igjen både utstillin og WT i regi av NRK avd. Gjøvik/Lillehammer. På denne utstillinga fekk vi Good (gul) av dommar Kjell Svensson, mens på working testen vann vi EK med 88 poeng.

1. WT EK, NRK avd. Gjøvik og Lillehammer. Foto: Beathe Nes
 I juni var det tid for NLM (norsk lagmesterskap i retrieverarbeid). Vi stilte lag med Rønnaug & Sofi, Wenche & Ronja og Tone Kit & Mira (unghund). Og jammen klarte vi ikkje å karre oss heilt til topps! Stort å slå dei velmerriterte ekvipasjane i Team Vinje Våpen og Team Omegn! :-) Arrangøren, NRK avd. Østfold, hadde skaffa til veie flotte premiar til oss, og på vegne av NRK avd. Oslo og omegn som vi representerte, tar vi vare på vandrepremien, ei fin stokkand (utstoppa vel og vite...).

Vinner NLM 2013: Fun Hunting v/NRK avd. Oslo og omegn
 I tillegg har vi tilbrakt mykje kvalitetstid i lag med hyggelege treningskompiser rundt omkring. Altså kunne ikkje dette halvåret vore særlig betre for oss! :-) Spent på fortsetjinga...

Ny sesongstart

3. august starta sesongen på ny for Victor og meg. Vi deltok på The Retriever Challenge, ein uoffisiell WT i regi av NRK avd. Østfold. Postane var lagt til fine områder på Kalnes, internasjonale dommarar var henta inn og mange var påmeldte i alle tre klassane, til saman over 120 stk. Dagen blei lang når så mange skulle gjennom, vi fekk ei skikkeleg regnbyga, men stemninga var god og det var kjekt å vere med. Flott at nokon tar seg bryet med å stelle i stand eit slikt arrangement! Sett ut frå resultatlista var postane særs utfordrande for dei aller fleste. Det var generelt laaange avstander, Victor gjorde ein god jobb heile tida, men med 0 på ein post klarte vi ikkje å hevda oss denne dagen og endte på 65 poeng.

Post 1, dommar Fons Exelmans frå Belgia: 18 poeng. Fremmadsending gjennom høgt gras og ei dump der hunden ville forsvinne ut av syne nokre meter. Med skudd, samt forstyrrelsesskudd i ei anna retning. Victor gjekk av linja og trakk i retning forstyrrelsesskuddet, men eg fekk henta han greit inn att. Dette gjorde likevel at vi mista poeng, i tillegg til at dommaren syntes at eg blåste for høgt i fløyta...

Post 2, dommar Stefano Martinoli frå Italia: 17 poeng. Fremmadsending på to apporter med skot på begge. Utfordringa var at dei låg i tett vinkel og det var bestemt kven av dei som skulle hentast først. Måtte handle litt og trur eg mista eit poeng då eg heiv dummyen på bakken bak meg i staden for å gje den i handa til dommaren... Så lærte eg noko av det! ;)

Post 3, dommar Idar Reinås frå Norge: 13 poeng. Fremmadsending langs strandkanten, over fleire terrengskifter, opp ein bratt bakke langt unna, ingen skudd. Eg fekk Victor greit ut i området og trudde han hadde dummyen, men slappa av for tidlig. Han sprang forbi og etter det måtte det meir handling til for å få han tilbake til dummyen.

Post 4, dommar Rita Kokeny frå Ungarn: 17 poeng. Ei enkeltmarkering himla langt unna, gjennom høgt gras og terrengskifter. Det gjekk litt tid mellom skudd og kast og Victor fekk ikkje med seg nedslaget. Han sprang likevel ivrig ut i området der skyttaren var. Der måtte eg hjelpe han og han responderte bra.

Post 5, dommar Peter Bates frå Storbrittania: 0 poeng. Enkeltmarkering med skjult nedslag, men først skulle det hentast ein dummy som var lagt ut i smal vinkel ved sida av. Skudd på begge. Hunden måtte springe ned ein bratt bakke og opp ein bratt bakke. Det var mykje tett vegetasjon i terrenget og den skjulte dummyen som skulle hentast først var verkeleg skjult, hunden ville vere utanfor syne der. Victor gjekk forbi denne og dukka opp ved markeringa som han hadde full kontroll på. Eg prøvde å stoppa han og dirigere han unna, klarte det nesten, men han var for nærme og visste for godt, så han tok feil dummy. Vi trøster oss med at nesten halvparten av ekvipasjane i klassen nulla på denne og ingen fekk meir enn 15 poeng...

Ein fin dag var det uansett. Arrangørane hadde laga eit proft opplegg, med flinke medhjelparar og fine premiar! Gratulera så masse til dei som plasserte seg! :-) Resultatliste: http://retrieverchallenge.com/index.html

mandag 25. mars 2013

Vinner Eliteprøven Jæren 2013

Det er tittelen på pokalen vi har med heim etter helgas jaktprøve i regi av NRK avd. Rogaland - er jo stas då! :-D Eg har aldri vore bortskjemt med å vere best, men i Team Victor får vi det til! Fantastiske hunden min, denne helga fekk han vist kva han er god for! Utruleg hyggeleg med alle fine ord frå alle rundt, både med-prøvedeltakarar og heiagjengen heime - at så mange engasjerer seg og gler seg med meg er stort! Vic skal visstnok ha påført enkelte av tilskodarane "frysninger" og "gåsehud" med oppvisinga si. :) Han er ein bra hund, det viser han til stadig, og eg er evig takknemlig til Anders og Mirjam ved Carmal's som lot meg kjøpe han! Med jevnlig trening framover (ilag med gode treningsvenner!) og vår sterke relasjon skal vi nå målet om NJCH-tittel i år... ;)

1. Premien fekk vi som einaste ekvipasje lørdagen altså. Første delen av prøven var ein walk-up på jorde med alle 12 deltakarane på linje. Vi byta kontinuerleg på å vere inne til bedømming, fire i gangen, for dommarane, Birgitta Staflund Wiberg og Boye Rasmussen. Beundringsverdig av prøveleiar å halde orden på alle! Første markeringa vår var langt ute på det opne jordet og Vic blei sirklande lenge før han fann dummyen. Eg vurderte om eg skulle bryte inn og hjelpe han, men valgte å la være sidan han jobba i området. Mange dommarar har jo sagt at dei vil sjå markeringsarbeid og vil ikkje at vi skal bryte inn før hunden evt. er på vei ut av området. Min vurdering viste seg i dette tilfellet å vere feil, eg burde ha dirigert hunden for bedre effektivitet, var dommarens dom. Nyttig lærdom! Neste oppgåve var ei dirigering mot "rabbit" på jordet, der Vic viste seg å vere særs dirigerbar:) Siden var det ei dobbelmarkering på linje, der Vic bråsnudde ved den nærmaste då han fekk ferten av den - nydelig! Siste oppgåva vår i walk-upen var ei dobbelmarkering som fleire andre hadde slite med. Vi fekk anvist vår dummy og igjen var det ingen problem for Vic - stolt matmor, ja! Så braut vi for lunsj og no var matlysta endeleg tilbake...

Nokon av deltakarane var ute i løpet av walk-upen, men dei fleste hang enno med då vi bevega oss til eit nytt område. Vi blei ståande stille tett på linje, mens det var fleire oppgåver i og rundt skogholtet framfor oss, med skudd og kast som forstyrrelser. Første markeringa vår landa skjult i eine enden av skogen. Eg sendte Vic inn, han kom tom ut og eg måtte dirigere han tilbake, gjekk rimeleg ok. Neste oppgåve var ei markering som hadde landa skjult på andre enden av skogen. Eg sendte Vic inn, han søkte av området (eg kunne ikkje sjå han anna enn glimtvis, så eg stolte på han) og kom ut med dummy:) Siste oppgåva vår var ei rein dirigering i jordekanten, og forutenom at Vic ikkje stoppa på første fløytesignalet mitt gjorde han igjen ein fin og effektiv jobb. Eg var alt i alt svært nøgd med Vic, men ein veit jo aldri kva dommarane vektlegg, og det var utruleg stort å få vår første 1.EK den kvelden, før vi feira med god mat og godt selskap. :) Kritikk: "En härlig labhane som börjar dagen med en liten förarmiss. Han blir bättre och bättre under hela dagen och visar en mycket god balans mellan självständighet och samarbete. Han använder alla sina sinnen vilket gör hans arbete effektivt."

Korleis gjekk det så søndagen? Vi starta med laaaangvarig drive (over ein time!) med 13(!) ekvipasjer på linja. Vic var superkul og søkte effektivt då det var hans tur. So far, so good... Så var det walk-up der han gjorde ein fin markering i eit område der fleire sleit.. Og så var vi uheldige og fekk den vanskeligste dirigeringa (då hadde ekvipasjen før oss måtta gitt opp)... Stor avstand, jorde, ingen referansepunkter for hunden. Fekk stoppa han fint eit par ganger på vei ut, men så plutselig var det som om han fekk fyrt opp ein rakett i rumpa! Han tok ut og sprang som om han hadde fanden sjøl i hælane! Og han høyrde ingenting lenger... Der enda dagens prøve for oss - "out of control". Hehe, sånn er det med desse dyra, alt kan skje - og det er jo det som gjer det artig. Kritikk: "Starter dagen fint og viser god vilje i søget og på markeringerne, mangler lydighed på de lange dirigering og stoppes." (Vic fekk mykje skryt for feltsøket sitt!) Eg er uansett strålande nøgd med innsatsen vår denne helga! Vi var relativt rolege, fokuserte og heilt på nett - meste av tida iallfall... ;) Gratulera så masse til søndagens verdige vinnar, Hege, med sin Blue, som til og med fekk HedersPris!! :-D Og igjen var det bare ein 1. pr. - ganske eksklusivt altså. :)

Må til slutt berømme NRK avd. Rogaland med helgas opplegg! Med bare tre personar i Jaktkomiteen har dei laga ei proft opplegg vha. dyktige medhjelparar. Flott terreng og tøffe dommarar. Grillmat og reker - topp stemning! Takk for oss, vi kjem gjerne igjen! :)



søndag 13. januar 2013

Kald hundehelg!

Men aktivitetsrik likevel. Tenkte å dele denne helgas erfaringer om beskyttelse for kulda. I går låg temperaturen på ca. 9 minusgrader, men det var heldigvis strålande sol! Vi kjørte til Ås og trente på jorder der det bare var eit par cm. med snø - herlig. Med godt selskap og mykje varmt tøy er det ingen sak å vere ute i timesvis til tross for vinterkulda. Kan verkeleg anbefale sånne små varmeposer til å putte i vottane og teipe under sokkane (for tobeinte!)! Før sjølve treninga hadde Victor på seg sitt tynne Back On Track dekken under og Ruffwear Quinzee utanpå. I tillegg hadde han Jervehiet å krype inn i mens vi tok ein kaffe og planla treninga. Viktig å halde varmen! Potane blei smurt inn med potefett og så var vi klare for action!
Victor og Carmen (arkivfoto)
Eg hadde tenkt å bruke neoprenvesten på Victor mens han var i arbeid, men den må klyppast til litt meir først... Han fekk altså gå naken, men eg ynskjer meg Ruffwear sin Cloud Chaser! Den hadde vore praktisk å ha under kalde treningsforhold! Treninga gjekk bra og eg har god tru på at dette regimet mitt som nokon sikkert ser på som "hønemor-aktig" er med på å forebygga skader som lett kan oppstå ifm trening. (Bank i bordet!)

I dag var det kaldare, 13 minusgrader, men vi vågde oss ut på søndagstur - heile familien! :) Melvin og Shira hadde på seg sine dekken, mens Victor fekk springe naken igjen som dagen før. Han er så aktiv og eg tenkte at det ikkje var riktig kaldt nok til å dra fram Katahdin-dekkenet (dekker dei edlare delane hans..). Det vi ikkje tenkte på i dag var potane!.. Vi møtte ein Dachs på dagens tur som hadde potesokkar på seg og då vi kom heim viste det seg at det burde våre hundar òg hatt! Alle tre blødde litt frå ein pote kvar, så det blei dagens lærepenge: Skaren er skarp og sjølv om ein ikkje skal gå så veldig lang tur er det vel verdt å ha på potesokkar! Melvin har ikkje dette, så no blir det shopping på dogbooties.com
Victor og Melvin (arkivfoto)

tirsdag 1. januar 2013

Året 2012

Når eg ser tilbake på året som har gått er det iallfall ein ting som er sikkert, det har vore lite blogging! Det betyr dog ikkje at det har vore eit stille år, tvert imot, året har flydd avgårde og det har vore travelt. På tide med ein årsberetning for hundelivet.

Dei første månadane var prega av husbygginga. Ein hyttetur til fjells med Victor og gode kollegaer tok eg meg likevel tid til. Victor reiste med tog og trakk på ski for første gang i sitt liv og det gjekk så bra så.
Bjorli, januar 2012. Foto: Ingunn S. Svendsen
I februar debuterte vi i LP II der vi gjekk til 2. pr. med 154,5 poeng. Dette var i hallen på Sinsen.

Siste helga i mars var det tid for årets første jaktprøve. Eg og Victor kjørte heile den lange veien til Stavanger - og jammen betalte det seg! Lørdagen starta vi i Åpen klasse, alt klaffa og vi gjekk til 1. pr. med HP og blei klassens beste hund!! Fantastisk med opprykk til Eliteklassen! Søndagen fekk vi prøva oss i EK, vi var fortsatt på nett og gjekk til 2. pr., ein lærerik debut eg var svært nøgd med. Det viste seg attpåtil at denne helgas bragder hadde Vic gjennomført med ei knekt hjørnetann! Dette måtte ha gjort vondt sa vet'en og fylte igjen...
Rogaland, mars 2012
I april prøvde vi oss i lydighetsringen igjen og denne gangen gjekk vi til 1. pr. med 178,5 poeng og 2. plass - nok eit opprykk på plass! :-)
Sarpsborg, april 2012
I mars og april gjennomførte eg studiet mitt, introduksjonskurs i dyreassisterte intervensjoner, ved Antrozoologisenteret og UMB. Veldig interessant! I samband med dette gjekk Victor òg gjennom ein mentalbeskrivelse for å teste kor eigna han er som terapihund. I april deltok vi òg på eit lærerikt jaktkurs med Birgitta Staflund-Wiberg på Dikemark.

Like før 17. mai flytta vi inn i nye huset og i pinsehelga debuterte eg og Victor i vinnerklassen på Working Test i Sarpsborg (Raseråd Flat sitt arrangement). Nok ein vinnerprestasjon med 94 av 100 poeng, noko som haldt til ein god 2. plass.

I sommar var eg og Bjørn ei veke i Toscana i anledning bryllupet til Petter og Tine, ein deilig ferie! Og så var eg og Victor på hundeferie i Hemsedal der vi deltok på jaktkurs med Trond Gjøtterud. På Working Testen siste dagen gjorde vi bare som i pinsen og sanka inn 94 poeng og 2. plass igjen! Både lærerikt og mykje moro med så mange trivelege hundefolk samla! :-)

Frå august og ut oktober gjekk det slag i slag kvar einaste helg! Det var innflytningsfest og jakt- og fiskedagane på Elverum, der Melvin stilte og blei BIR med Cert - og dermed òg NVCH! Starten på duejakta tok vi på Hurum med kurs i regi av Meneo Hundesenter og Øyvind Veel. Jaktprøvane byrja igjen og vi deltok omtrent på alt som var. På Ringerike/Sokna gjekk vi til 3. pr. På Østfold-prøva gjekk vi til 2. pr. lørdagen og 0 søndagen - ein meget pinlig affære, med ein hund som var totalt ute av hand... På Vestfold-prøva byrja det bra, men så fann Vic plutselig på at han skulle bytte den dummyen han var på veg inn med i ein annan dummy som låg på bakken! Over og ut altså... Oslo-prøva var ikkje noko særleg å snakka om - 3. pr. der. Ei heller dobbeltprøva i Agder. Vi starta i første pulje lørdagen, det var iskaldt og det skulle vere andejakt: Drive ved vannet og bare vannarbeid! Det var fullt kaos då fire hundar var ute og jobba samstundes - med tilhøyrande blåsing i fløyter og kommandoroping, så Vic var bare kjempeforvirra, men det haldt underleg nok til ein 3. pr. Innsatsen endte med vannhale, men han var heldigvis fin igjen då han skulle starte i siste pulje dagen etter. Ein drive og walk-up på jorde/skogkant der han jobba kjempebra! Det blei dessverre litt for omstendelig dirigeringsarbeid på den siste blinde apporten og då gjekk vi frå 1. til 3. pr... Vi hadde òg meldt oss på bevegelig prøve på Dillingøy og då den havna på same helg som eg og Bjørn var i Wien, stilte Sarita Victor for meg - i tillegg til sin egen hund, Carmen! Øivind T. var snill og stilte opp som handler, slik at det lot seg gjere å gjennomføre, men dette blei litt for heftig for Vic og Carmen, og dei rauk ut. Innimellom jaktprøvane og ordentlig jakt var jo Mesterskapshelgen ei kjekk oppleving. Vic gjorde mykje bra arbeid og fekk gå alle 6 innleiande postane, men eine posten skulle vise seg ekstra vanskelig (ikkje bare for oss) og med 0 der var ikkje totalsummen så veldig imponerande... Uansett veldig kjekt å sjå så mange gode hundar og hundefolk i action! Haustens store opptur blei den praktiske prøven ifm. andejakt på Sætre Bruk i Hurum. Det var tøffe forhold, men Vic gjorde sitt beste, vi var eit team og vi fekk godkjent innsatsen vår! :-) Og for ikkje å gløyma klubbmesterskapet i lydighet! I øs-pøs-regn-heile-dagen vann vi kl. II med 161 poeng!
Victor på skogsfugljakt
Frå november byrja ting å roa seg att. Vi deltok på raseparaden på Dogs4All i Lillestrøm og tok opp att lydighetstreninga. Vi har feira vår første jul i nytt hus med familien på besøk og bare kosa oss. Eg ser tilbake på eit år med mange gode opplevingar! På hundefronten har eg og Victor oppnådd mykje av det vi ønska oss, no gjeld det bare å få inn 1. premiane på jaktprøvar i 2013... ;-)