mandag 30. juni 2008

Kveldstur i fjordhest-land




Meininga var å legge nokon spor i kveld, og kanskje ta eit feltsøk. Er lenge sidan sist, så det er på tide med litt oppfriskning før spor-kurset i august... Kjørte opp til Muradalen, men fann fort ut at det var ALTFOR blautt - iallfall utan støvlar! Så det blei tur i staden, inkludert elve-bading og ball-kasting for Shira. I Muradalen gjekk det fleire fine fjordingar og beita. Shira haldt seg på trygg avstand, men følet blei veldig nysgjerrig då Shira sat samankrøka for å "tømma ryggen", og nærma seg - til Shiras store forferdelse... Shira la øyrene bakover, og det var tydeleg ho stressa med å gjera seg ferdig, og då ho endeleg hadde fått pressa ut siste rest, satte ho avgårde i rakett-fart for å koma seg unna!! Hehe, morsomt å sjå på!


Då vi kom heim trente vi litt på kjøkenet, Shira jobba for halve dagsrasjonen sin av tørrfor i løpet av eit kvarter. Vi trente på musematte-target; prøvde å fryse targeten og å kjede saman med andre øvelsar. Ellers starta vi innøving av nytt innkallingssignal, fløyte, men det vil vera enklare med hjelp av andre. Shira var super-ivrig! Det er tydeleg at det har blitt mindre aktivisering av ho no etter at eg har byrja i full jobb, så ho har kjeda seg og vore litt masete dei siste dagane - det må vi gjera noko med! :)

Schæfer-hann på 2,5 år omplasseres

Eg fekk følgjande melding frå ei veninne som ba meg vidareformidla det:

Du vet vel ikke om noen som kan tenke seg en schäfergutt på ca 2,5 år?? En kompis som har fått jobb på Svalbard skal omplassere hunden sin. Hunden har nydelig mykt gemytt og er snill som dagen er lang og går bra med andre hunder. Ingen bråkmaker eller slåsskjempe. Hunden har dessverre en liten bittfeil og kan ikke brukes i avl. Er heller ikke trent all verden, men han lärer fort. Han er supersosial og hengiven. Omplasseres til rett hjem med mye kos. :)

Det er bare å ta kontakt med meg om nokon er interesserte, så kan eg ordna vidare kontakt.

torsdag 19. juni 2008

Bronsemerket i agility!

Hurra! Då har vi altså fått tatt bronsemerket i agility - og det er jo litt stas!:) Blei litt på impuls: Møtte på treninga vår kl. 19.30, og då haldt dei akkurat på å runde av bronsemerke-løpet. Eg hadde jo ikkje tenkt å delta fordi eg trudde det kun var for nybyrjarane, men så såg eg at fleire frå mi gruppe var med. Då fekk jo eg òg litt lyst, og fekk oppmuntring frå sidelinja om å hiva meg med. Sprang bort til dommarane og ba fint, og dei lot meg til nøds få vera med heldigvis. Så då var det berre å gje bikkja til nærmaste tobeinte og briefe ein rask gang gjennom (den enkle) banen. Ikkje akkurat beste utgangspunkt: Det ausa ned (Shira vil jo helst berre gå med nasa i bakken når det er vått...), vi fekk ikkje varma opp - Shira var ikkje lufta ein gang! Men vi heiv oss utpå, og Shira gjekk som ei kula!! Eg hadde ikkje sjans til å halda følgje, ho fauk over nedfelta på både stigen og mønet, men stoppa fint på bordet - det som vi nesten aldri har trent!! Og her sto ho fint i dei fem sekundane, mens mor fekk henta seg inn igjen, så bar det vidare i FULL FART, og likevel klarte ho slalomen utan problem! Så dette var verkeleg kjekt!!! :D

Etterpå endra vi på starten av banen, og gjorde den litt meir utfordrande. Den var litt vanskeleg for vårt nivå, men Shira takla det fint. Var verre med felta; ho får jo så himla stor fart og fyker fint over dei... Ellers datt ho ut på eit punkt, då ho fekk ferten av noko umotståeleg i bakken, men det gjekk faktisk greit å hanka ho inn att. Denne gangen fekk ho litt problemer med å treffa inngangen på slalomen i farta, så den måtte vi starte om att på eit par ganger, men alt i alt gjekk denne runden òg greit.

Til slutt fekk eg nokre minuttar til å trena det eg ville, så då blei det sjølvsagt felt og slalom. Brukte musematta rett nedanfor felta, og det fungerte bra; Shira sikta på denne, og det gjorde jo at ho var innom feltet, men ho har ikkje tenkt å stoppa opp i det heile! Trur nok at vi skal trena på å frysa på musematta, for så å bruka den vidare i felttreninga. Slalomen trente vi frå høgre hand denne gangen, sidan den sit dårlegare - og det vistes. Ho har vanskeleg for å finne rette innganen frå høgre sida, og ho er avhengig av mykje støtte frå meg heile vegen, og det går tregt... Blei enig med instruktøren om å trena meir fart, flyt og sjølvstendighet i slalomen, kanskje ved å bruka noko i enden som kan dra ho framover (musematte/belønning?). Det får bli neste gang - og det blir på trening med gamle-klubben i Rosendal! :)

onsdag 18. juni 2008

Lydighetstreninga i går

Vi trente i ein time. Starta med felles-dekk, som jo gjekk kjempefint:) Vi har vel egentleg ingen problemer med denne øvelsen, anna enn at eg ikkje stolar på kva Shira kan finna på om nokon av dei andre hundane tullar... Så trente vi litt ligg, og den var endeleg rask og fin!:) Testa innkallinga frå sitt: Ho kom i det minste, men det var i skikkeleg lunte-tempo... Hmm... Klarte å få opp farta på ho litt, men langt frå bra nok, så det må vi visst trena meir på. Trente litt utgangsstilling og lineføring, og som belønnning eine gangen fekk ho helsa på ein korthåra collie-gutt, som ho likte kjempegodt og hadde veldig lyst til å herja meir med.

Har tenkt litt på å baklengskjeda dei siste øvelsane i lp 1-programmet, og starta litt på det i går: Trente litt stå under marsj og hopp over hinder kvar for seg først. Ho trengte ikkje mange repetisjonane for desse sitter ganske bra no. Så satte vi dei saman: Stå under marsj, ingen ordentlig belønning, hopp over hinder, og så god belønning. Etter kvart skal eg legge på innkallinga - når den øvelsen sitter ordentleg.

Trente fri ved fot med avstandsbelønning (ein svær pinne ho hadde sånn lyst på). Vi starta fint, men så datt ho fullstendig ut då ho oppdaga ei Schæfer-tispe; då klarte ho ikkje å fokusera på meg lenger. Kjempeirriterande, den andre hunden var jo langt unna! Klarte å jobba inn fokus på meg igjen, og vi fekk gjort ein grei øvelse...

Vi avslutta med å trene kontakt i nærleiken av andre hundar, og gjekk ned til ei gruppe folk og hundar frå klubben som hadde samla seg i ein pause. Shira hadde absolutt ingen problemer med dette, ho hadde god kontakt med meg og fekk helse på vesle Raggen som gjekk rundt for seg sjølv og flirta for godbitar. Alt i alt ei vellykka treningsøkt i går kveld altså!

Verre var det i formiddag då vi skulle trene litt for oss sjølv på "Eventyrplassen". Det gjekk ikkje i det heile tatt, og eg følte meg som ein elendig trenar og blei kjempefrustrert, sur og irritert! Trur kanskje eg har litt for mykje temperament og litt for lite tålmodighet til å trene lp?.. Dessutan er eg dritlei kl. 1-øvelsane! Trur jammen eg skal starte å trene kl. 2-øvelsane heller!!

I morgen er det heldigvis agility-trening igjen. Gler meg til det, har gått glipp av litt for mange treningar i det siste:( Trur nok Shira vil setja pris på litt meir fart og moro!

tirsdag 17. juni 2008

Miljø- og toleransekurs



Tenkte eg skulle skrive litt om kurset eg og Shira går for tida v/ Hund i Sentrum, m/ Rolf Hegg som instruktør. Kurset går over 6 veker, og i går hadde vi vår nest siste kurskveld. Kurset legg "spesiell vekt på kontroll, grensesetting og samarbeid. Variasjoner i miljø og tilføring av naturlige og tilpassede forstyrrelser skal hjelpe deg til å kunne håndtere din hund riktig med de utfordringene som en vanlig hverdag kan by på for hund og eier. Kurset passer meget godt for familiehunden og for konkurransehunden som trenger høy toleranseterskel for miljøforandringer og ulike grader av forstyrrelser. Kurset handler først og fremst om å bygge opp trygghet og tillit mellom hund og eier i krevende omgivelser, hvor hundeeier skal være et forbilde for hunden. For maksimal læring skal hunden være trygg på sin eier, trygg i omgivelsene og forstå hundeeiers veiledning i treningen." (Utdrag frå kursbeskrivelsen.)

Eg er veldig nøgd med både instruktør og opplegg. Vi har trent mykje på å halda fokus på førar i trening tett opp til andre hundar, og dette har vore særs verdifullt for Shira, som jo har fått eit litt anstrengt forhold til andre hundar. Vi har trent ein del kontakt-, bli- og passeringsøvelsar.

I går starta vi med å stilla oss opp på ei lang rekke etter einannan (2 m. mellomrom), med hunden i utgangsstilling. Så starta fremste ekvipasjen med å gå slalom mellom oss andre - god trening for både dei gåande og oss som sto i ro. Shira var kjempeflink og haldt fokus på meg heile tida sjølv om andre gjekk rundt oss. Då vi skulle gå slalomen var ho mest opptatt av å snuse på bakken (nokon på kurset før oss hadde visst strødd om seg med godisar...), men eg retta ikkje på det då eg tenkte at det jo er ein god dempande atferd. Det blei litt klinsj mellom nokre hann-hundar som kom for tett, så vi brukte litt tid på å prata om kva vi kan gjera for å unngå slike situasjonar. Det viktigaste er å vere føre var, og unngå at hunden blokkerer: Belønna for fokus på førar, og sei nei og trekke seg unna når den andre hunden får meir merksemd. Førar må òg unngå å fyra opp hunden sin enda meir ved å påføra hunden sin ubehag (sjølv om det er mildt) mens den har fokus på andre hunden. Høyres jo enkelt og greit ut, men eg kan skriva under på at det ikkje er fullt så enkelt i praksis.

Vi prøvde på nytt, med litt større avstand mellom oss (3 m.) og no gjekk det mykje bedre for oss alle. Så var det passeringstrening (gå mot kvarandre), og Rolf tok med sin eigen Schæfer-hanne for å tilføra gruppa ein ny hund. No måtte vi jobba litt ekstra med våre, men det var ingen problemer! Han kom heilt tett opp til oss med hunden, og Shira var likevel roleg og haldt kontakten med meg!:D Sikkert mykje pga at Rolfs hund er særdeles veloppdragen og hadde full fokus på Rolf heile tida.

Etter dette gjekk vi litt rundt i Nydalsbyen, og testa sitt/ligg og bli i nye miljøer/situasjonar: På ein benk, i trapp, tett på andre hundar... Dette gjekk veldig greit - Shira er jo ein engel på dette kurset!..

Lekse til neste gang: Fortsette å øve på bli og innkalling i trapper + å oversjå andre hundar. Neste gang skal vi nemleg teste innkalling av ein og ein hund mens alle sitter i trappa!

Bildene (ikkje så gode, tatt med mobil) visar Shira og Blaser som visar god sjølvkontroll øverst i trappa (det var fleire hundar nedover).

mandag 16. juni 2008

Mareritt!

Eg har vore hos tannlegen i dag; har visst skjedd mykje i kjeften min på det 1 1/2 året sidan sist... To hull som må fyllast, to visdomstenner som må trekkast og ei bru som har løsna og må ordnast heilt på nytt, er ikkje gode nyheter for ei som slit med både tannlegeskrekk og student-økonomi..!.. :( Så no har eg ringt banken og bedt om å få selja Telenor-aksjane mine, for å kunna betala for dette tann-kalaset! Pokker altså, at ikkje skattepengane kunne kome akkurat NO!!

fredag 13. juni 2008

HEKTISK!! (Ikkje bare hund..!)

Dei siste dagane har det vore lite tid til hundetrening, og eg merkar at eg får dårleg samvittighet... I går var det siste skuledag før ferien, med (nok ein) presentasjon. Tok ein lang og sosial lunsj med fleire frå klassen, og då eg kom heim var eg så trøtt at eg gjekk rett til sengs for ein god lur (blei litt seint natta før...). Shira fekk koma opp i senga med meg, så ho var no nøgd likevel. På ettermiddagen var det berre tid til ein liten luftetur før eg måtte gjere meg klar for nye festligheter. Bjørn laga middag til meg og hadde den klar på bordet til meg då eg stakk innom på veg til avslutningsmiddag(!) med klassen. Eg er heldig med kjæresten min altså! Møtte klassen + to lærarar på Trikkestallen kl. 1900, og tok desserten og vin der - var kjempekoseleg! Og litt vemodig å ta farvel utpå kvelden og ynskja alle god sommar...

I dag tidleg var det på an igjen, med møte i tre timar i strekk med veiledaren min for Master-oppgåva. Deretter var det berre tid til ein liten telefonsamtale med mamma, lunsj og liten luftings med Shira, før eg måtte på jobb. No er eg akkurat ferdig på jobb, og skal vidare på kino med Ane, så det går verkeleg i ett! Vi skal sjå Sex & The City - blir nok bra!!

I morgen er det òg fullt program heile dagen. Første delen skal eg tilbringa på Brekke som medhjelpar på lp-stevnet til klubben, og så blir det date med Bjørn:) Søndag er det valpeshow på Brekke, så vi skal sjå om ikkje vi får med oss litt av det òg - både eg og Bjørn er jo så valpesjuke... ;)

Må stikke! Phuh!..

onsdag 11. juni 2008

Shira - 4 år i dag! :D





Hurra for bursdagsbarnet!! Vi har feira dagen med matsøk på universitetsbakkane og leik i fontena der - ting som Shira er veldig glad i å gjera. Etterpå fekk ho nyte ein "Stuff-a-Kong" full av leverpostei - mmm!
Ikkje skjønar eg at det berre har gått 4 år sidan ho blei fødd; for meg kjennes det ut som ho har vore med meg eit heilt liv, go'jento mi... :)
Snart skal vi gå ned til Bjørn og Syver, så får ho herja litt med gutta mens ho mor skal på "feriepenge-pils" med jobb-gjengen.

tirsdag 10. juni 2008

Treninga i kveld

Vi trente i ein god time med klubben i Maridalen. Etter litt oppvarming var vi med på fellesdekk, Shira låg som ein påle, så det gjekk fint!

Etter felles-øvelsen fann eg fram kantarellen min frå helga og kasta den ut i skogen. Satte selen på Shira og leda ho inn i skogen, derifrå fekk ho gjera resten - og ho fekk ferten av den med ein gang, og gjekk rett til den!! HURRA!! Vi gjorde tre søk, og ho tok den fort kvar gang - KJEMPEKJEKT altså!!! Så vi skal fortsetja å øva, og bli supergode kantarell-jegarar!

Etter dette var det tilbake til lydighetstrening, og det gjekk ganske greit heilt til vi skulle prøve innkalling frå sitt inni ringen. Den sleit vi jo sånn med sist, men då var ho sliten, så eg måtte sjekka om det var eit eingangs tilfelle, eller kva... Dessverre var det ikkje noko eingangs tilfelle. Ho satt og satt - fullstendig fjern! Skjønnar ikkje kva som har skjedd med den øvelsen! Ho har ho kunna den godt leeenge, men no må vi visst gå tilbake i treninga. Då vi gjorde det på den måten at instruktøren haldt att Shira mens eg sprang i frå og kalte inn umiddelbart, kom ho jo som eit olja lyn! Ho som var så flink på miljø- og toleransekurset i går og kom springande inn på plass då eg kalla inn mens eg stod oppå eit utebord!..!

Til slutt prøvde vi oss på hopp over hinder, og den sitter visst veldig bra:)

Spa-behandling :)

I formiddag var eg så heldig å få 3 1/2 timar med gratis spa-behandling! Gitt om det var godt!! Det var eksamensdag på Hudpleieakademiet, og eg var så heldig å få vere klient. Nokon ganger er det veldig greit å bu i Oslo altså!;)

Eg fekk først full kroppsmassasje under infraraudt lys - deilig! Så var det ansiktets tur: Eg fekk farge på vipper og bryn, hodebunnsmassasje, ansiktsmassasje, rens, peeling med damp, elektrisk behandling (merkeleg apparat som gav meg små støt i ansiktet! Måtte ta ut piercingen i tunga for å ikkje risikere å bli svidd!..) ansiktsmaske for å gjenopprette fuktbalansen og krem. Til slutt skulle eg få manikyr. Då var det berre knappe tjue minuttar att, så det blei litt i hyrten og styrten, men det var heilt greit likevel:) Neglelakk-fargen som var satt fram til hudpleiaren min var kullsvart (skulle jo synes!), og når ho ikkje fekk tid til å gjere seg heilt ferdig, så blei det til at eg fjerna den sjølv like etterpå...

Fin start på dagen altså!! Skjer jo faktisk litt anna enn hunderelaterte ting òg;) Men til kvelden er det hund som gjeld igjen: Då er det lydighetstrening med klubben. Tenkjer vi fokuserar på felles-sitt med skjult førar (har vore tema på miljø- og toleransekurset i det siste), fri ved fot, ligg (få rask neddekk) og innkalling frå sitt (har vore så mykje bli-trening i det siste at det klarte ho ikkje i det heile sist!).

mandag 9. juni 2008

Kantarellsøk-kurs

Eg og Shira var på eit kjempekjekt kurs i helga - muligens det helgekurset i vår karriere vi har fått mest ut av?! Knut Pedersen frå familiehunden.no haldt kurs for Norsk Spaniel Klubb avd. Østfold. Eg kom over kurset ved ein tilfeldighet då eg leste på forum-sida til Canis at det var ledige plassar på kantarellsøk-kurs pga. avmeldingar. Eg heiv meg på, og glad er eg for det! Vi fekk kombinert kurset med hyttetur på Jæløya med Bjørn og familien, og det passa jo veldig bra sidan det er eit stykke å kjøra mellom Oslo og Sarpsborg...

Lørdagen starta vi med å læra hundane at lukta av kantarell = julafta! Vi brukte ein søksbane som består av ein planke med seks metallboksar (ved Knut sin metode får ikkje hundane SJÅ soppen i innlæringa, det er kun LUKTA av soppen som skal spele ei rolle for hunden) som står med ca. 1/2 meters avstand. Oppi to av desse låg soppen. Mor måtte til pers; ned på alle fire og vise bikkja at oppi boksen låg noko superspennande! Så var det bikkjas tur til å få snuse på boksen. Det er viktig at hunden lærer seg å jobba systematisk: Den må innom og snuse på alle boksane sjølv om den veit kor soppen er. Shira var først skeptisk til metallboksen (har aldri fått ho til å ta metall-apport..) men det ga seg heldigvis raskt. Ho tok poenget like raskt og fekk klikk og belønning (skinkeost i tube) for å snusa på boksane med sopp i. Denne øvelsen gjentok vi eit par ganger før vi gjekk vidare. Det var svært varmt denne dagen, sola brann frå himmelen, så vi tok alt i eit roleg tempo. Likevel var treninga effektiv.

Etter lunsj fortsatte vi å øva to og to ilag på søksbanen, og bytta om rekkefølgja på boksane kontinuerleg. Hundane var kjempeflinke! Neste øvelse gjekk ut på at vi tok ein boks med sopp med oss til skogkanten. Bikkja blei holdt igjen mens eigar lokka med godbit/leike og sprang ut til boksen og la den der. Så kom eigar tomhendt tilbake til hunden, tok bandet, og hunden drog avgårde i retning der eigaren hadde lagt ned belønninga. Når hunden stakk snuta ned v/boksen fekk den klikk og "julafta". Denne øvelsen blei så gjentatt utan at belønninga blei lagt att ved boksen, eigaren berre lata som. Igjen fekk hunden klikk og belønning når den stakk snuta ned på boksen. Dette øvde vi på ei stund i grupper, og flytta kantarellen rundt til nye stader! Shira gjorde det kjempebra, så det var veldig gøy!

Lørdagskvelden tilbake på hytta fekk vi deilig grillmat av foreldra til Bjørn, og tok eit slag Scrabble før vi inntok horisontalen. Natta var varm og det blei ganske dårleg med søvn for både meg og Shira. Dette kan nok ha bidratt til Shiras labre form dagen etter...

Søndagen starta vi kursdagen med "patruljering". Boksen med kantarell blei lagt ut og vi starta med å føre hunden i sikk sakk eit stykke i frå med vinden frå soppen mot oss. Målet var å lære hunden å kjenne dei ulike lukt-komponentane frå soppen som er på ulik avstand. Så når hunden væra soppen og snudde hodet mot den forsterka vi dette, fleire ganger etter som vi nærma oss. Når vi var ganske nærme fekk hunden leda oss heilt inntil soppen og få belønning få det. Dette øvde vi på fleire ganger og flytta sopp-boksen rundt. Det gjekk sånn tåleleg greit med Shira, men ho var ein heilt anna hund denne dagen enn dagen før, ho var veldig slakk. Ei anna utfordring vi hadde med denne øvelsen var at bikkja gjekk inn i LP-modus då vi skulle patruljera. Ho hadde plutseleg jamn og god kontakt i lineføring, og kopla ut nasa si! Dette bedra seg litt ved å skifta til sele. Forøvrig brukar vi kort line heile vegen.

Etter lunsjen la vi ut fire boksar med sopp i alle, langs ei lita rute vi skulle gå med hundane. Meininga var at hunden skulle gå bort til kvar boks og snuse på den og få belønning få det. Shira var no slettes ikkje i form, og viste ikkje noko som helst engasjement. Ho fann to av fire boksar... Etter at alle seks ekvipasjane hadde vore gjennom denne ruta, blei vi delt i grupper på tre og fekk to boksar kvar som vi skulle legge ut og trene med på same måten. Shira var no fullstendig fjern og fann ingen av dei - eg blei nesten litt bekymra for ho! Vi sjekka gummane på ho, og dei var bleike, så ho fekk ligga i skyggen resten av tida og slappa av. Jenny var snill og foreslo å putte labbane til Shira i vann for å kjøle dei ned, og ho hjalp meg med dette.

Spenninga var stor då det var tid for "eksamen"! Vi gjekk opp i skauen og fekk etter tur eit område å søka etter ein kantarell (utan boks) som Knut hadde kasta ut utan at vi førarane visste kor den låg. No måtte vi berre stola på at hunden hadde skjønt poenget i løpet av helga... Eg var ekstra spent på Shira sidan ho hadde vore så dårleg, og vi fekk venta til slutt så ho skulle få kvila seg lengst mogeleg. Så var det vår tur: Shira væra kantarellen umiddelbart, og gjekk rett på og fann den for meg!! Det var fantastisk kjekt!!! Fin avslutning på eit kanon kurs!

Alle hundane hadde formidabel framgang i løpet av helga, vi var ein fin liten gjeng som verkeleg koste oss! No blir det snekring av søksbane, innkjøp av kantarellar og trening for harde livet før sopp-sesongen er i gang. Takk til Knut og NSK avd Østfold for flott kurs!!

Tilbake på hytta måtte vi jo demonstrera våre nye evner, og Shira fann fortsatt lett den gøymde kantarellen! Og eg må jo sjølvsagt få med at formen hennar steig utover ettermiddagen: Fargen kom tilbake i tannkjøttet og energien kom verkeleg tilbake; ho hadde ein raptus utan like på kvelden då vi gjekk ein tur. Heldigvis hadde eg langline på ho, ellers hadde ho vore over alle haugar - på jakt etter rådyr, eller kanskje kantarell..?..

Ny blogger på plass!

Ja, då har eg òg klart å laga min eigen blogg. Har tenkt lenge på å lage ei nettside eller liknande for Shira, men det blei enklast med ein slik blogg. Her skal eg skriva litt om vårt daglege hundeliv, som den hunde-nerden eg er...